Nederlaands

Van Wikipedie

t Nederlaands is n Indo-Europese en Germoanse, West-Germoanse, Nederduutse, Nederfrankische, West-Nederfrankische toal.

Dizze toal wordt veural in Nederlaand, Floandern, Frans-Floandern, Surinoam, Aruba en op de Nederlaandse Antillen sproken. De offisjele toal, zo as of dat t onderwezen wordt op de schoulen, en dat t bruukt wordt deur de autoriteiten, wordt 'Aalgemain Beschoafd Nederlaands' (ABN) nuimd. t Nederlaands wordt (nait in aal de gevallen krekt) ook wol aanduud as Vloams (in Belgie), Hollaands (veuraal in Noordbroabant, Limbörg, Noord- en Oost-Nederlaand) en Nederduuts (deur historisch toalkundegen). In Indonesie, t veurmoaleg Nederlaands-Indie is ter nog n redelk aantel aan mìnsken dij t Nederlaands proaten kennen. Dit binnen veuraal de wat ollere lu. Ien t noordelk Rhainlaand wuir t Nederlaands nog tot om en bie 1865 broekt worden deur de haile bevolken. Ien Kleve is t pas om en bie 1935 deur t Hoogduuts vervongen worden. t Dialekt dat tegenswoordeg ien t Klevelaand proat wordt is den ook staark verbonden mit dij aan aander kaant van de Nederlaandse grìns, maisttied wordt t zulfs tot t Zuud-Gelders rekend.

t Standoardnederlaands is in de 17e aiw noa opdroagen van de Stoaten-Generoal van t Keunenkriek der Nederlanden ontwikkeld worden as n instrument veur de omvangrieke Nederlaandse Biebelvertoalen, de Stoatenbiebel. Boasis vörmden de Frankische dialekten van de provìnzies Hollaand en Noordbroabant. Saksische elementen binnen veural de waarkwoordsvörmen op -acht (bracht, gebracht; dacht, gedacht) en t weeromkerend veurnoamwoord zich. Daarde grode dialektgroep in de Lege Landen, t Frais, is bie de ontwikkelen van t Standoardnederlaands haldaal negeerd worden. Op boasis van dizze dialekten is n zölfstaandige Fraise standoardtoal in wezen broacht.

[bewark] Klassifikoatie

Nederlaandse versie van Wikipedie

Indo-Europees
- Germaans
  - West-Germaans
    - Nederduuts
      - Nedersaksisch
      - Nederfrankisch
        
        West-Nederfrankisch (Nederlaands)