Nederfrankies
Van Wikipedie
t Nederfrankies is n dialektgroep met West-Germaanse variëteitn, woar o.a. t Hollaands, Utrechts, West-Vloams, Oost-Vloams, Zuud-Gelders en t Broabaants oonder valn. Nederfrankiese dialektn wördn dus vuural sprökn in t zuudn en westn van Nederlaand en in Vlaandern en in t westn van Duutslaand (in noordelik Rienlaand, namelik in de Nederrien, in t noordn van de Benrather Linie). Ok t Limbörgs, alhoowal t pas as zölfstaandige strektaal anerkend is, beheurt vuur n groot deel töt t Nederfrankies en vörmt doarvan saamn met t Zuud-Gelders en t Nederriens de Maas-Rienlaandse groep.
In Duutslaand broekn ze meesttieds de term Südniederfränkisch vuur t Limbörgs en de doaran verwante dialektn in t noordelike Rienlaand, de Nederrien. In de Nederlaandse taalkunde neumt ze dizn dialektn Zuudoost-Nederfrankies, dervan oetgoand dat t Nederlaandse taalgebeed in oaverwegnde moate de opvoalger is van t Nederfrankiese.
Wieder mag ok t Afrikaans van Zuud-Afrika töt t Nederfrankies wördn reaknd. Oet dizn dialektgroep bint t Niejnederlaands (16e en 17e eeuw) en t Afrikaans oontwikkeld en nog later t Standaardnederlands. De oaldste fase wördt t Oaldnederfrankies of Oaldnederlaands neumd. De doaropvoalgnde heet Middelnederlaands, mangs ok wal Diets neumd.
[bewark] Oonderverdeling
- Indo-Germaanse - Indo-Europees
- Germaans
- West-Germaans
- Nederfrankies
- West-Germaans
- Germaans
| Streektaolen in Nederlaand en Vlaanderen |
|---|
| Standerdnederlaans
Nederfrankisch en Friso-Frankisch: Bildts · Braobans · Hollaans (Utrechts-Alblasserweerds · Zuud-Hollaans) · Limbörgs · Oost-Vlaams · Stadsfries · Westfries · West-Vlaams · Zeeuws · Zuud-Gelders Nedersaksisch en Friso-Saksisch: Achterhooks · Drèents · Gelders-Oaveriessels · Grunnegs · Sallaans · Stellingwarfs · Tweants · Tweants-Groafschops · Urkers · Veluws Westlaauwers Frais: Aasters · Hindeloopers · Kleifries · Noordhoeks · Schiermonnikoogs · Westers · Wooldfries · Zuudwesthoeks |
