Buskerud fylke

Frå Wikipedia – det frie oppslagsverket

Buskerud fylke

Grunnleggjande
Flatevidd:	14 910 km²
Folkemengd:	247 655 (2007)
Administrasjon
Administrasjonssenter:	Drammen
Fylkesmann:	Kirsti Kolle Grøndahl
Fylkesordførar:	Roger Ryberg, Ap (2007)
Anna
Nettstad:	www.buskerud-f.kommune.no/

Buskerud er eit fylke i Midt-Noreg. Det grensar mot Akershus, Oslo, Oppland, Sogn og Fjordane, Hordaland, Telemark og Vestfold. Namnet Buskerud kjem frå garden Biskopsrud i Modum. Fylket blir administrert frå Drammen.

[endre] Fylkesvåpen

Fylkesvåpenet til Buskerud visar ein ståande blå bjørn på ein sølvfarga bakgrunn. Området hadde tidlegare fleire bjørnestammar. Sidan slutten av 70-åra har ingen bjørn budd fast i Buskerud, men det hender ein omstreifar kjem innom.

Bjørnen er blå for å minna om Blaafarveværket i Modum, og bakgrunnen sølv kjem frå dei gamle sølvgruvene på Kongsberg.

[endre] Anna

Fylkesblom: Stor nøkkerose
Fylkesstein: Drammensgranitt

[endre] Kommunar

1 Drammen
2 Flesberg
3 Flå
4 Gol
5 Hemsedal
6 Hol
7 Hole
8 Hurum
9 Kongsberg
10 Krødsherad
11 Lier

[endre] Geografi

Fylket strekkjer seg frå Hemsedalsfjella og Hardangervidda i nordvest til Hurumlandet ved Oslofjorden i søraust. Store parallelle dalføre med elver går gjennom fylket, frå sørvest Numedal med Numedalslågen, Sigdal med Simoa, Hallingdal med Hallingdalselva og Snarumselva, og Ådal med Begna og Ådalselva.

Det er svært variert natur i fylket, veldyrka lågland, høgfjell og store skogar. 7 % av fylket ligg under 150 moh., 41 % ligg 900 moh. eller høgare. I søraust ved Drammens- og Oslofjorden er det kyststrøk med skog- og landbruksområde. Landskapet hevar seg så gradvis mot vasskiljet i vest og nordvest. Dei fire markerte dalføra fører nordvestover opp mot høgfjellet. Nokre fjellområde er meir enn 1000 moh.

Delar av Hardangervidda nasjonalpark (oppretta 1981) ligg i Buskerud fylke, i Hol og Nore og Uvdal kommunar.

[endre] Klima

Klimaet er for det meste innlandsprega.

[endre] Samfunn

[endre] Demografi

Det er store regionale ulikskapar i folkesetnaden. Meir enn halvparten av dei som bur i fylket bur i dalføret langs Drammenselva i søraust og utover mot Hurumhalvøya. I den sørlege halvdelen ligg dei tre største byane i fylket, Drammen, Kongsberg og Hønefoss.

[endre] Språk

Austlandsdialekt pregar språket i sørlege og austlege delar av fylket, og her vert bokmål brukt som skriftspråk. I nordfylket er det vanleg med fjelldialektar og nynorsk skriftspråk.

[endre] Politikk

Dei 43 representantane i fylkestinget vert samla minst fire gonger i året.

Partifordeling ved valet i 2003:

Parti:	Representanter:
Arbeiderpartiet	14
Høyre	10
Fremskrittspartiet	8
Sosialistisk Venstreparti	5
Senterpartiet	3
Kristelig Folkeparti	2
Venstre	1

[endre] Nasjonalt

Buskerud fylke har ni stortingsmandat. For denne perioden møter desse faste representantane for Buskerud på Stortinget:

Distriktsrepresentantar:

Thorbjørn Jagland (Ap), Lier
Sigrun Eng (Ap), Gol
Lise Christoffersen (Ap), Drammen
Torgeir Micaelsen(Ap), Drammen
Ulf Erik Knudsen (FrP), Drammen
Jørund Henning Rytman (FrP) Drammen
Trond Helleland (H), Drammen
Magnar Lund Bergo (SV), Drammen

Utjamningsrepresentant:

Per Olaf Lundteigen (Sp), Øvre Eiker

[endre] Media

Drammens Tidende dekkjer Drammensområdet, Lågendalsposten Kongsberg og Numedal, Ringerikes Blad Ringerike, medan Hallingdølen dekkjer Hallingdal. NRK har ein redaksjon i fylket som lagar radio- og TV-sendingar. Det er òg ei rekkje mindre lokalradiokanalar rundt omkring i fylket.

[endre] Samferdsle

[endre] Vegar

Europaveg 16 går søraust-nord gjennom Hole via Ringerike og Flå til Nes på ferda si frå Oslo til Londonderry i Nord-Irland, Storbritannia . Europaveg 18 passerar gjennom Lier og Drammen og fortset vidare sørover i Vestfold. E134 startar i Drammen og går vestover i sørfylket til Haugesund via Kongsberg.

[endre] Jarnbane

Drammensbanen kjem inn i fylket gjennom Lieråsen tunnel. I Drammen vert banen delt i Vestfoldbanen som går sørover og Bergens- og Sørlandsbanen. Dei to siste har same trasé nord-vestover til Hokksund, der Sørlandsbanen tek av mot sør-vest til Kongsberg medan Bergensbanen dreg nordover gjennom fylket til Hønefoss og Hallingdal.