Luntere
Van Wikipedie
Luntere (Nederlans: Lunteren) is een daarp in de gemeente Ede in de Nederlanse previnsie Gelderland. 't Daarp het een inwoenerantal van 12.436 luui (2004).
Luntere leit tusse de plekke Ede in 't zuje en Barneveld in 't noorde. In 't ooste van Luntere begint de bosrieke Veluwe mit de stuwwal Meuluntere-Wageninge. Hier is oek de Goudsbaarg, waor 't geografische middelpunt van Nederland leit. In 't weste en noorde van Luntere leit de Gelderse Vallei, waorin de Lunterse Beek een ofwaoteringsfunctie vervult.
De buurtschappe Meuluntere, De Valk, Overwoud en Nederwoud liggen in 't butegebied van Luntere.
Luntere kent in de zoemermaonde veul toerisme, deur middel van de campings die zich an de rande van de bosse staon. Een bekende toeristische attractie is de Oud-Lunterse Dag, die as onderdeel van de Edese Heideweek jaorlijks an 't eind van augustus plekvient. Op disse dag, gaot Luntere zo'n 100 jaor terug in de tied, en wissele veel Lunteraone d'r dagelijkse grei in veur de meer tredisionele boerekleding van de West-Veluwe.
 |
