Gelderse Vallei
Van Wikipedie
De Gelderse Vallei is een gebied in Midden-Nederlaand. Roewweg tussen de Utrechse Heuvelrogge in 't wessen, een stukjen Nederrien in 't zujen, de Veluwe in 't osen en de Raandmeren in 't noorden. De Gelderse Vallei lig veur twee darde in de previnsie Gelderlaand en veur één darde in de previnsie Utrech.
[bewark] Ontstaon
Veurdat de Gelderse Vallei ontstung, was dit 't dal van de Maas. In de op één-nao-leste iestied, 't Saolien nam een grote iestong vanuut 't noorden bezit van dit dal. Hierbie stuwde 't ies links, rechs en veurweerts sedimenten op. Hierdeur ontstungen de stuwwallen van de Utrechse Heuvelrogge en de westflank van de Veluwe en mos de Maas zien loop veraanderen naor 't wessen. To 't ies zich weerummetrök ontstung der een diepe vallei, dee in de loop van de eeuwen dichteslibben. Respectievelijk mit zeeklei (Eemien), vene en zaand.
[bewark] Indelige
De Gelderse Vallei ku-j roewweg in drejen delen:
- De Eemvallei (tussen Amersfoort en 't Eemmeer)
- Plaosen: Amersfoort (Ut), Hooglaand (Ut), Eembrogge (Ut), Eemnes (Ut), Eemdiek (Ut), Spakenburg (Ut), Baarn (Ut) en Soest (Ut).
- Ofwaotering: De Eem.
- De Noordelijke Vallei (tussen Harskamp/Wekerum en 't Niekarkernauw/Nuldernauw)
- Plaosen: Harskamp (Gl), Wekerum (Gl), Kootwiekerbroek (Gl), Stroe (Gl), Banneveld (Gl), Voorthuzen (Gl), Achterveld (Ut), De Gliend (Gl), Leusden (Ut), Hoevelaken (Gl), Niekarkervene (Gl), Niekark (Gl) en Putten (Gl).
- Ofwaotering: De Banneveldse Beke.
- De Zujelijke Vallei (in 't zujen van Leusden en Banneveld)
- Plaosen: Wageningen (Gl), Rhenen (Ut), Bennekum (Gl), Ede (Gl), Veenendaol (Ut), De Klompe (Gl), Edervene (Gl), Lunteren (Gl), Renswoude (Ut), Scharpezeel (Gl), Meersbargen (Ut) en Wombarg (Ut).
- Ofwaotering: De Lunterse Beke, Heiligenbargerbeke, Valleikenaal en de Grif of Grebbe.
 |
