't Veen
Van Wikipedie
 |
A-j op zeuk bin naor 't artikel over de plaots Leeuwarden kiek dan bie Et Vene |
|
|||||||
 |
|||||||
| Previnsie | Utrecht | ||||||
| Heufplaose | 't Veen | ||||||
| Oppervlak - Laand - Waoter |
19,81 km² 17,51 km² 2,30 km² |
||||||
| Antal inwoeners Inwoeners per km² |
61.700 (1 jannewaori 2007) 3521 inw./km² |
||||||
| Belangrieke verkeersaoders | A12, N233 | ||||||
| Netnummer | 0318 | ||||||
| Postcodes | 3901 - 3906 | ||||||
| Officiële webstee | www.veenendaal.nl | ||||||
't Veen (Nederlans: Veenendaal 
uutspraak (info | help)) is een plek in de Nederlanse previnsie Utrecht, elegen an de Utrechtse Heuvelrug en de Gelderse Vallei. De gemeente had op 1 jannewaori 2007 61.700 inwoeners en 't het een oppervlakte van 19,81 km² (waorvan 2,30 km² waoter). 't Daarp is in de vuuftiende en zestiende eeuw ontstaon as veenkelonie. Hier leit dan oek de oorsprong van de naam. In disse tied worde veur de ofvoer van turf de bisschop Davidsgrift an-eleid. Langest de Grift en de ziedkenaolen gingen laoter minsen woenen.
Deur veul minsen wort 't Veen as stad ezien en oek zo eneumd. Wat minsen echter vergeten is dat 't Veen nooit stadsrechten ehad het. 't Veen was tot de tweede helft van de 20e eeuw verdeeld over twee previnsies, Utrecht en Gelderland: Utrechts ('Stichts') 't Veen en 't Gelderse Veen (Gelders Veenendaal). Pas in 1960 worde 't Veen deur een grenscorrectie één gemeente mit een oppervlakte van oengeveer achttien vierkante kilemeter en (toe nog) ruum 23 duzend inwoeners.
Tegensworig is 't Veen een antrekkelijke vestigingsplek veur bedrieven vanwegen de ligging an de A12, in 't midden van Nederland. Deur de stad loopt 't Valleikenaol, oek wel bekend as de Grift of de Grebbe.
't Veen was de Fietsstad van Nederland in 2000 en enomineerd in 2002. In 1997 was 't Veen zelfs de Greunste Stad van Europa en in 2004 de greunste stad van Nederland.
[bewark] Dialect
In 't Veen wort van oorsprong gien Nedersaksisch dialect epraot, 't valt net buten 't West-Veluwse taolgebied, 't vertoont echter wel aorig wat overeenkomsten mit 't West-Veluws, zoas 't Schaarpezeels of umliggende gebiejen, wat wel tot 't West-Veluws erekend wort.
 |
