Vjens
Van Wikipedie
 |
Dit artikel is schreavn in t Tweants. Umdat t plaatsbundn is, ma-j t ummezetn noar t Vjens. |
t Vreeznvens of Vjens is t dialekt dat sprökn wordt in t Tweantse doarp Vjenne. t Hef nen ampartn plaats in t Neersassies, umdat t zoo völle afwik van t Tweants en nich doartoo reknd kan wördn.
Zo is de oetsproak van t Vreeznvens aanders as van t Tweants. Duur ne paar vrömde klaankn kent Vjenne n stoatus van volkömn taaleilaand. Zo kent de ee, oo en de eu oet t Tweants ne tweeklaank: teagnoaver neet steet neit, good wordt goud en greun kleenkt as gruin (disse klaankn komt ok vuur in t Grönnings en t Sittards). t Vreeznvens is beïnvlood duur t Freesk dat Freeske immigraantn sprakn doo zee hier kwamn wonn.
t Vreeznvens is ok in eankele opzichtn met t Sallaands metgoan. Zo wördn verkleanwoordn precies as in t Sallaands, en nich zoo as in t Tweants, vormd.
t Vreeznvens kan oonder aandere veundn wördn in t beuksken Jipke en Jannöaken, ne riege Tweantse vertalingn van verhaaln van Annie M.G. Schmidt. In dit beuksken is de geschichte Ne kiste met reachies in t Vreeznvens schrevn.
