Manchester United
Minn Wikipedija, l-enċiklopedija ħielsa.
| Manchester United | |
 |
|
|---|---|
| Isem Sħiħ | Manchester United Football Club |
| Magħrufa wkoll | The Red Devils, Man United, MU |
| Fundazzjoni | 1878, bħala Newton Heath L&YR |
| Grawnd | Old Trafford |
| Kapaċità | 76,212 |
| Ċermen |  Joel u Avram Glazer |
| Kowċ |  Sir Alex Ferguson |
| Kampjonat | Premier League |
| Staġun 2006/07 | Premier League, l-ewwel (1) |
| Sit Elettroniku | www.manutd.com |
Manchester United Football Club hu klabb tal-futbol Ingliż, li hu bbażat f'Old Trafford, Greater Manchester, u hu l-aktar klabb popolari tal-futbol fid-dinja b'aktar minn 50 miljun supporter mad-dinja kollha[1]; l-attendenza tal-klabb hi attendenza aqwa minn kull klabb fl-Ingilterra. Il-klabb hu wkoll l-aktar tim b'suċċessi fil-futbol Ingliż; għal aktar minn għoxrin sena mill-istaġun 1986-87, huma rebħu tmintax-il titlu prinċipali, li hu aktar minn kull klabb fil-Premier League Ingliż. Il-klabb hu ċ-champion preżenti fejn bit-titlu fl-2006/07 irnexxielu jikseb is-sittax-il titlu tal-kampjonat Ingliż. Fl-1968, huma saru l-ewwel klabb Ingliż li rebħu l-UEFA Champions League (European Cup) meta rebħu 4-1 lil SL Benfica, u rebħu t-tieni waħda f'finali drammatika fl-1999. Huma jżommu r-rekord ta' l-aktar rebħiet ta' FA Cup b'total ta' ħdax.[2]
Sa l-aħħar ta' l-1990, il-klabb kien l-iktar klabb sinjur di-dinja.[3] Manchester United jibqgħu fost l-aktar tim ta' valur fid-dinja.[4] Il-klabb hu fundatur tal-G-14; din l-organizazzjoni tgħaqqad it-tmintax-il tim l-iktar b'saħħithom fl-Ewropa. Sir Alex Ferguson hu l-kowċ preżenti fejn ilu mis-6 ta' Novembru 1986. Il-captain hu Gary Neville li ħa post Roy Keane li telaq f'Novembru 2005 fejn kien ingħaqad ma' Celtic FC u wara bħala kowċ ta' Sunderland FC.[5]
Werrej |
[editja] Storja
[editja] L-Era ta' Ferguson, qabel it-Tripletta (1986-1999)
Alex Ferguson wasal minn Aberdeen biex ħa post Atkinson u ggwida l-klabb għall-ħdax-il post fil-kampjonat. Fl-istaġun ta' wara (1987/88), United spiċċaw it-tieni, b'Brian McClair jispiċċa l-ewwel plejer ta' Manchester United wara George Best li skorja għoxrin gowl fi staġun.
Madanakollu, United sofrew fiż-żewġ staġuni ta' wara, b'ħafna mill-plejers il-ġodda ta' Ferguson ma jilħqux l-aspettattivi tas-supporters. Kien hemm għajdut li Alex Ferguson kien se jiġi mneħħi minn kowċ fil-bidu ta' l-1990, imma gowl minn Mark Robins taw lil United rebħa minima ta' 1-0 fit-tielet rawnd ta' l-FA Cup kontra Nottingham Forest. Din żammet l-istaġun ħaj u t-tim wasal biex rebaħ il-kompetizzjoni meta għelbu lil Crystal Palace f'ripetizzjoni tal-finali.
It-tim rebaħ il-European Cup Winners' Cup (aktar tard il-UEFA Cup) ta' l-1990/91 meta rebħu lit-tim rebbieħ tal-kampjonat Spanjol, Barcelona, imma s-sena ta' wara fallew li jirbħu l-kampjonat meta tilfuh fl-aħħar jiem tiegħu kontra r-rivali Leeds United.
Il-wasla ta' Eric Cantona f'Novembru ta' l-1992 flimkien mal-plejers preżenti bħal Gary Pallister, Denis Irwin, Paul Ince u Ryan Giggs, huma spiċċa rebbieħa tal-kampjonat 1992/93 għall-ewwel darba mill-1967. Huma rebħu żewġ trofej (il-kampjonat u l-FA Cup) għall-ewwel darba fl-istaġun ta' wara, bl-għajnuna ta' Roy Keane li kien għadu kemm ittrasferixxa minn Nottingham Forest, biex wara sar il-captain tat-tim. Fl-istess sena l-klabb sofra l-mewt ta' Sir Matt Busby li miet fl-20 ta' Jannar 1994.
Fl-1994/95, Cantona rċieva sospensjoni ta' tmien xhur wara li qabeż fuq il-folla u aggredixxa lil Matthew Simmons, supporter tal-Crystal Palace. Huma spiċċaw draw fl-aħħar partita u tilfu l-finali ta' l-FA Cup kontra Everton FC, biex ħallew lil United fit-tieni post tal-kampjonat u telliefa fil-finali ta' l-FA Cup. Ferguson irrabja lis-supporters meta kien biegħ plejers importanti u kien bena t-tim fuq plejers żgħar bħal David Beckham, Gary Neville, Phil Neville u Paul Scholes. Il-plejers il-ġodda saru wkoll parti mit-tim nazzjonali ta' l-Ingilterra u b'sorpriża rebħu l-kampjonat u l-FA Cup 1995/96. Dan kien l-ewwel darba li tim Ingliż rebaħ żewġ trofej darbtejn.[6]
Huma rebħu l-kampjonat 1996/7 u Cantona ħabbar it-tmiem tal-karriera f'età ta' 30 sena. Huma bdew l-istaġun ta' wara b'nota tajba imma spiċċaw t-tieni fil-kampjonat wara l-Arsenal.
[editja] It-Tripletta (1998-1999)
L-istaġun 1998/99 jibqa' fost l-aqwa staġun għal Manchester United fejn huma rnexxielhom jirbħu l-famuża Treble meta rebħu l-kampjonat Ingliż, l-FA Cup u l-UEFA Champions League.[7] Huma huma l-uniku klabb Ingliż li kiseb dan l-unur. Wara staġun intens, Manchester United rebħu l-kampjonat fl-aħħar ġurnata b'rebħa ta' 2-1 fuq Tottenham Hotspur, waqt li Arsenal rebħu 1-0 kontra Aston Villa. Ir-rebħa tal-kampjonat kienet l-ewwel parti tat-Tripletta, deskritta minn Ferguson bħala l-itqal waħda. Fil-finali ta' l-FA Cup, United rebħu 2-0 kontra Newcastle United b'gowls ta' Teddy Sheringham u Ole Gunnar Solskjaer. Fl-aħħar partita ta' l-istaġun, il-finali taċ-Champions League ta' l-1999 huma rebħu lil Bayern Munich, fejn din il-partita hi kkunsidrata bħala waħda mill-iktar finali drammatika ta' kull żmien meta sal-ħin miżjud tat-tieni taqsima huma rnexxielhom jiskorjaw darbtejn biex rebħu l-partita 2-1. Manchester United wara dan it-titlu rnexxielhom jirbħu t-Tazza Interkontinentali wara li rebħu 1-0 lil Palmeiras f'Tokjo permezz ta' gowl mill-Irlandiż Roy Keane.[8]
[editja] Wara t-Tripletta (1999-preżent)
United rebħu l-kampjonat Ingliż fl-2000 u fl-2001 imma spiċċaw barra mill-finali taċ-Champions League ta' dawn is-snin. Fl-2000, Manchester United saru parti mill-grupp Ewropew tal-G-14.[9] Ferguson adotta tattiċi aktar difensivi biex għamel lil United diffiċli biex jitilfu fl-Ewropa imma fil-kampjonat nazzjonali ta' l-2001/02 spiċċaw fit-tielet post. Huma kisbu l-kampjonat fl-istaġun ta' wara. Huma bdew id-difiża tal-kampjonat fis-sena ta' wara fuq nota tajba, imma l-forma tagħhom maret lura sinjifikament meta Rio Ferdinand rċieva sospensjoni ta' tmien xhur minħabba li naqas għal test tad-doping. Huma rebħu l-FA Cup 2004 meta rnexxielhom jeliminaw lil Arsenal (ir-rebbieħa eventwali tal-kampjonat) u fil-finali rebħu lil Millwall.
L-istaġun 2004-05 kien karatterizzat b'nuqqas ta' gowls skurjati, prinċipalment minħabba ż-żmien li dam barra Ruud van Nistelrooy u United spiċċaw mingħajr trofew u fit-tielet post tal-kampjonat. Dik is-sena wkoll huma tilfu l-finali ta' l-FA Cup b'telfa bil-penalties kontra Arsenal wara partita ta' 120 minuta mingħajr gowl. Barra mill-grawnd, l-istorja prinċipali kienet il-possibilità li l-klabb ikun miħud minn xi ħadd u fl-aħħar ta' l-istaġun, Malcolm Glazer akkwista l-kontroll ta' l-interessi tal-klabb.
United bdew l-istaġun 2005/06 b'nota mhux daqshekk tajba, bil-midfielder Roy Keane iħalli l-klabb biex ingħaqad ma' Celtic wara pubblikament ikkritika sħabu tat-tim, u t-tim naqas li jikkwalifika għall-fażi ta' l-aħħar sittax għall-ewwel darba f'iktar minn għaxar snin wara telfa kontra t-tim Portugiż ta' SL Benfica. L-istaġun ukoll kien karatterizzat minn żmien barra għall-plejers importanti bħal Gabriel Heinze, Alan Smith, Ryan Giggs u Paul Scholes. Huma spiċċaw it-tieni post fil-kampjonat u rebbieħa fil-League Cup kontra Wigan Athletic bl-iskor ta' 4-0. United, grazzi għar-rebħa kontra Charlton Athletic 4-0, fl-aħħar partita ta' l-istaġun irnexxielhom jkomplu post fiċ-Champions League. Fl-aħħar ta' l-istaġun 2005/06, Ruud van Nistelrooy ħalla l-klabb biex ingħaqad ma' Real Madrid.[10]
L-istaġun 2006/07 ra lil United li rritornaw bl-istil ta' attakk fil-futbol li kien wkoll komuni fis-suċċessi tat-tim lejn id-disgħijiet. Huma rnexxielhom jiskurjaw 20 gowl iktar fi 32 partita minn Chelsea, li kklassifika fit-tieni post. F'Jannar 2007, United ġabu lill-plejer Henrik Larrsson b'self għal xahrejn mit-tim Svediż ta' Helsingborgs. Il-plejer lagħab rwol importanti għall-kwalifikazzjoni għas-semi-finali taċ-Champions League b'xewqat għat-tieni Tripletta; madanakollu huma spiċċaw eliminati mit-tim ta' AC Milan b'riżultat ta' 3-5.[11]
Bħala komemorazzjoni tal-ħamsin anniversarju mid-dħul fil-kompetizzjoni Ewropea ta' Manchester United u kif ukoll il-ħamsin anniversarju mit-Trattat ta' Ruma, Manchester United lagħbu partita ta' esebizzjoni kontra l-aqwa ħdax-il plejer fl-Ewropa skond Marcello Lippi (European XI) f'Old Trafford nhar it-13 ta' Marzu 2007. Huma rebħu l-partita 4-3 b'żewġ gowls ta' Wayne Rooney, u gowl wieħed għal Wes Brown u Cristiano Ronaldo.[12]
Erba' snin wara l-aħħar kampjonat, United reġgħu ħadu t-titlu tal-Premier League nhar is-6 ta' Mejju 2007, wara li Chelsea spiċċaw f'pari kontra Arsenal, biex ħallew lil Chelsea seba' punti wara r-Red Devils b'żewġ partiti oħra x'jintlagħbu. Madanakollu huma ma rnexxiehomx jiksbu r-raba' doppjetta meta fil-finali ta' l-FA Cup huma tilfu 1-0 kontra Chelsea fil-grawnd il-ġdid ta' Wembley.
[editja] Plejers
[editja] L-Ewwel Tim
|
|
[editja] Plejers barra f'self
| Plejer | Rwol | Tim Imsellef |
|---|---|---|
 Jonny Evans |
|
Sunderland (sat-30 ta' Ġunju 2008) |
 Manucho |
|
Panathinaikos (sat-30 ta' Ġunju 2008) |
[editja] L-Aktar Apparenzi
| # | Isem | Karriera | Partiti | Gowls |
|---|---|---|---|---|
| 1 |  Sir Bobby Charlton |
1956-1973 | 759 | 249 |
| 2 |  Ryan Giggs |
1990-preżent | 718 | 140 |
| 3 | Bill Foulkes |
1952-1970 | 688 | 9 |
| 4 | Alex Stepney |
1966-1978 | 539 | 2 |
| 5 |  Tony Dunne |
1960-1973 | 536 | 2 |
| 6 | Denis Irwin |
1990-2002 | 529 | 33 |
| 7 | Gary Neville |
1991-preżent | 536 | 13 |
| 8 | Paul Scholes |
1991-preżent | 523 | 136 |
| 9 | Joe Spence |
1919-1933 | 510 | 168 |
| 10 | Arthur Albiston |
1974-1988 | 485 | 7 |
[editja] L-Aktar Gowls
| # | Isem | Karriera | Partiti | Gowls |
|---|---|---|---|---|
| 1 | Sir Bobby Charlton |
1956-1973 | 759 | 249 |
| 2 | Denis Law |
1962-1973 | 404 | 237 |
| 3 | Jack Rowley |
1937-1955 | 424 | 212 |
| 4 | Dennis Viollet |
1953-1962 | 293 | 179 |
| 4 | George Best |
1963-1974 | 470 | 179 |
| 6 | Joe Spence |
1919-1933 | 510 | 168 |
| 7 | Mark Hughes |
1983-1986, 1988-1995 | 466 | 164 |
| 8 |  Ruud van Nistelrooy |
2001-2006 | 220 | 150 |
| 9 | Stan Pearson |
1937-1954 | 510 | 168 |
| 10 | David Herd |
1961-1968 | 265 | 145 |
[editja] Il-Plejer Ewropew tas-Sena
Il-plejers imsemmijin rebħu l-Ballun tad-Deheb meta kien qed jilagħbu ma' Manchester United:
- Denis Law - 1964
- Bobby Charlton - 1966
- George Best - 1968
[editja] Kowċis tat-tim
| Isem | Perjodu |
|---|---|
| A. H. Albut |
1892-1900 |
| James West |
1900-1903 |
| J. Ernest Mangnall |
1903-1912 |
| John Bentley |
1912-1914 |
| Jack Robson |
1914-1922 |
| John Chapman |
1921-1927 |
| Lal Hilditch |
1926-1927 |
| Herbert Bamlett |
1927-1931 |
| Walter Crickmer |
1931-1932, 1937-1945 |
| Scott Duncan |
1932-1937 |
| Sir Matt Busby |
1945-1969, 1970-1971 |
| Wilf McGuinness |
1969-1970 |
| Frank O'Farrell |
1971-1972 |
| Tommy Docherty |
1972-1977 |
| Dave Sexton |
1977-1981 |
| Ron Atkinson |
1981-1986 |
| Sir Alex Ferguson |
1986-preżent |
[editja] Rivalità
L-ikbar rivalità ta' Manchester United diffiċli tiġi definita. Tradizzjonalment, l-ikbar rivali kienu Liverpool, Manchester City u Leeds United, għalkemm Arsenal ġabu rivalità kbira f'dawn l-aħħar snin.[13] Preżentament, is-supporters jaraw lil Liverpool bħala l-ikbar rivali, minħabba s-suċċessi li dawn iż-żewġ timijiet kisbu fl-istorja tagħhom,[14] waqt li ħafna jsostnu li l-ikbar rivalità tinsab bejn il-klabb ta' l-istess belt, Manchester City. Ir-rivalità bejn Unitd u Liverpool bdiet lejn is-sittinijiet meta ż-żewġ klabbs kienu fost l-aqwa fl-Ingilterra, u kienu jikkompetu ma' xulxin kull sena. Ma' Manchester City, ir-rivalità tmur lura lejn l-era ta' Newton Heath, lejn l-1890, u baqgħet b'saħħitha hekk kif iż-żewġ timijiet kienu dejjem fl-istess diviżjoni għal ħafna mis-snin.
Ir-rivalità ma' Leeds United bdiet lejn is-sittinijiet meta Leeds ħarġu bħala tim qawwi, u kompliet ir-rivalità lejn is-sebgħinijiet u t-tmenijiet fejn Leeds kien irnexxielhom jisirqu t-titlu lil United fl-1992. Ma' Arsenal, ir-rivalità bdiet aktar fl-aħħar snin fejn iż-żewġ timijiet qed ikunu f'kompetizzjoni diretta għal rebħ ta' diversi trofej.
[editja] Unuri
[editja] Domestiċi
[editja] Kampjonat
- L-Ewwel Diviżjoni/Premier League: 16
- 1907-08, 1910-11, 1951-52, 1955-56, 1956-57, 1964-65, 1966-67, 1992-93, 1993-94, 1995-96, 1996-97, 1998-99, 1999-2000, 2000-01, 2002-03, 2006-07
- It-Tieni Diviżjoni (verżjoni qadima): 2
- 1935-36, 1974-75
[editja] Kompetizzjonijiet
- FA Cup: 11
- 1909, 1948, 1963, 1977, 1983, 1985, 1990, 1994, 1996, 1999, 2004
- League Cup: 2
- 1992, 2006
- FA Charity/Community Shield: 16 (4 minnhom kien maqsumin bejn il-finalisti)
- 1908, 1911, 1952, 1956, 1957, 1965*, 1967*, 1977*, 1983, 1990*, 1993, 1994, 1996, 1997, 2003, 2007
[editja] Ewropej
- UEFA Champions League: 2
- 1968, 1999
- Tazza tat-Tazez Ewropej: 1
- 1991
- Super Cup Ewropeja: 1
- 1991
[editja] Internazzjonali
- Tazza Interkontinentali: 1
- 1999
L-uniku trofew prinċipali li Manchester United naqsu li jirbħu s'issa hi t-Tazza UEFA.[15]
[editja] Referenzi
- ↑ Il-fans jiżdiedu għal 333 miljun, Daily Mail (15-12-2007)
- ↑ Manchester United jirbħu l-ħdax-il FA Cup, (12-08-2007)
- ↑ United fl-ewwel post ta' l-aktar sinjuri, premierleague.com (11-01-2008)
- ↑ Valur tat-timijiet tal-futbol, (29-03-2007)
- ↑ Gary Neville hu l-captain il-ġdid ta' Manchester United, reddiff.com (03-12-2005)
- ↑ Cantona jagħti lill-istaġun ta' United ferħ fir-rebħ tad-doppjetta, The Telegraph (11-12-2006)
- ↑ United ikkurunati slaten ta' l-Ewropa, BBC News (11-08-2007)
- ↑ Aħbar oħra fil-futbol fl-1999, (11-08-2007)
- ↑ Membri tal-G-14, G14.com (12-09-2006)
- ↑ Ruud jakkuża lil Ferguson għal tradiment, BBC Sport (07-09-2006)
- ↑ AC Milan 3-0 Man United (Agg: 5-3), BBC Sport (02-05-2007)
- ↑ Manchester United 4-3 European XI, ManUtd.com (13-03-2007)
- ↑ Rivalità ta' Manchester United, Manchester Evening News (23-12-2007)
- ↑ Ħarsa lejn Manchester United u Liverpool, Sky Sports (23-12-2007)
- ↑ Kamra tat-Trofej, ManUtd.com (28-05-2007)
[editja] Ħoloq Oħra
[editja] Uffiċċjali
[editja] Siti indipendenti
- Manchester United fuq BBC Sport: Aħbarijiet tat-tim - Riżultati riċenti - Logħob li jmiss - Statistika tal-klabb
- Manchester United fuq Football365
- Manchester United - Premierleague.com
[editja] Siti ta' supporters
 |
L-Iskwadra Preżenti ta' Manchester United | |
|
13 Park | 15 Vidić | 16 Carrick | 17 Nani | 18 Scholes | 19 Piqué | 21 Dong | 22 O'Shea | 23 Evans | 24 Fletcher | 25 Simpson | 27 Silvestre | 29 Kuszczak | 32 Tévez | 33 Eagles | 38 Heaton Kowċ: Sir Alex Ferguson |
||
 |
Premier League 2007-08 | |
| Arsenal | Aston Villa | Birmingham City | Blackburn | Bolton | Chelsea | Derby County Everton | Fulham | Liverpool | Manchester City | Manchester Utd | Middlesbrough | Newcastle United Portsmouth | Reading | Sunderland | Tottenham | West Ham | Wigan Athletic |
||
| Federazzjonali Ingliża - Tim Nazzjonali - Football League - Football League Championship | ||
