Gerard Piqué
Minn Wikipedija, l-enċiklopedija ħielsa.
| Gerard Piqué | |
 |
|
|---|---|
| Isem Sħiħ | Gerard Piqué Bernabeu |
| Data tat-Twelid | 2 ta' Frar, 1987 |
| Post tat-Twelid |  Barċellona, Spanja |
| Tul | 1.85m |
| Pożizzjoni | Difensur |
| Klabb Kurrenti |  Manchester United |
| Numru | 19 |
| Klabbs Oħra | FC Barcelona B (2001-2003) Manchester United (2004- ) → Real Zaragoza (2006-2007) |
| Tim Nazzjonali | Spanja (2006- ) |
Gerard Piqué Bernabeu (twieled it-2 ta' Frar 1987) huwa plejer tal-futbol Spanjol. Huwa kien mixtri minn Manchester United wara li kien qatta sentejn ma' FC Barcelona B fl-1 ta' Lulju 2004, u fl-istaġun ta' wara huwa kien msellef għal ma' Real Zaragoza. Huwa għamel prestazzjoni konsistenti f'dan il-livell u ħafna supporters għandhom aspirazzjonijiet kbar fil-futur ta' dan il-plejer. Huwa għamel l-ewwel dehra ma' Manchester United fis-26 ta' Ottubru 2004, kontra Crewe Alexandra. Huwa lagħab ukoll mat-tim nazzjonali ta' Spanja ta' taħt is-sbatax u dsatax-il sena.
Il-fatt li l-kunjom ta' Piqué huwa 'Bernabeu' ġabet xi konfużjoni minħabba l-oriġini tiegħu, hekk kif jixbah l-isem ta' Santiago Bernabéu Stadium, il-grawnd ta' Real Madrid. Din id-disrepanza ħarġet mill-fatt li l-grawnd ta' Real Madrid huwa msemmi wara president tat-tim, Santiago Bernabéu. L-isem Bernabeu huwa isem komuni wkoll f'Barċellona, Piqué kellu nannuh li kien il-viċi-president ta' Barcelona (Amador Bernabeu).
Piqué għamel id-debutt fil-Premier League f'Ottubru bħala sostitut għal John O'Shea, f'rebħa ta' 3-1 kontra Sunderland. Huwa għamel id-debutt sħiħ għal Manchester United fid-29 ta' Marzu 2006 kontra West Ham fil-Premier League, hekk kif Gary Neville ma kienx f'sikktu minħabba uġiegħ.
Il-prestazzjoni tiegħu, speċjalment fit-tim tar-riservi, tatu kuntratt ġdid li b'hekk kien se jżomm lil Piqué ma' Manchester United sas-sajf ta' l-2009. Piqué kien membru tat-tim nazzjonali Spanjol ta' taħt id-dsatax-il sena li rebaħ il-Kampjonat tal-UEFA għat-timijiet ta' taħt id-dsatax-il sena fid-29 ta' Lulju. Huma rebħu lill-Iskozja 2-1 fil-finali, bil-plejer Piqué għamel prestazzjoni tajba fid-difiża, fejn għamel daqqa ta' ras li ħabtet mal-lasta, u anki pprovda t-tieni gowl għall-plejer Alberto Bueno.
Fl-4 ta' Awwissu 2006, Piqué kien misluf mat-tim Spanjol ta' Real Zaragoza. Fost il-kundizzjonijiet tas-self kien hemm li Piqué kellu jilgħab f'ta' lanqas 20 logħba. [1][2]
Fil-5 ta' Mejju 2007, kien imħabbar li Piqué kien se jibqa' f'Old Trafford staġun ieħor. Sir Alex Ferguson kellu jattendi għal logħba li fiha Piqué kien se jilgħab biex b'hekk jiddiskuti mal-plejer dwar il-futur ma' United, imma dan ma seħħx minħabba problemi fit-titjir.[3] Sa meta rritrona f'Manchester United huwa hu membru ta' l-ewwel tim, fejn qiegħed jiġi użat bħala l-plejer li jisostitwixxi lil Nemanja Vidic u Rio Ferdinand f'każ ta' xi problemi għal dawn il-plejers. Fil-15 ta' Settembru, Piqué lagħab l-ewwel logħba kompetittiva minn meta rritorna fir-rebħa ta' Manchester United fuq Everton f'Goodison Park, fejn issostitwixxa lil Nani.
Huwa skorja l-ewwel gowl tiegħu ma' l-ewwel tim ta' Manchester United fir-raba' logħba taċ-Champions League kontra t-tim Russu ta' Dynamo Kiev meta f'Old Trafford huwa skorja l-ewwel gowl fir-rebħa ta' 4-0.[4] B'dan ir-riżultat Manchester United saru l-ewwel tim li kkwalifikaw għat-tieni rawnd taċ-Champions League 2007-08.
[editja] Referenzi
- ↑ Pique jingħaqad ma' Real, skysports.com, August 4, 2006
- ↑ Pique: Il-Futur tiegħi huwa ma' Manchester United, ontheminute.com, 30 ta' Jannar 2007
- ↑ Pique mistenni għal ritorn f'Old Trafford, manutd.com
- ↑ Rapport tal-partita bejn Manchester United u Dynamo Kyiv, skysports.com
[editja] Ħoloq Oħra
- L-Istatistika tal-Karriera ta' Piqué fuq Soccerbase
- Il-Blog ta' Piqué
 |
L-Iskwadra Preżenti ta' Manchester United | |
|
13 Park | 15 Vidić | 16 Carrick | 17 Nani | 18 Scholes | 19 Piqué | 21 Dong | 22 O'Shea | 23 Evans | 24 Fletcher | 25 Simpson | 27 Silvestre | 29 Kuszczak | 32 Tévez | 33 Eagles | 38 Heaton Kowċ: Sir Alex Ferguson |
||
