Tango
Da Wikipedia
O tango o l'è 'n stile mûxicâle e 'na dansa do Río de la Plata, caratteristica d'a çittæ de Buenos Aires, ma ascì de Rosario e Montevideo, de ôriggine ûrban e famôso in tûtto o môndo.
A sêu mûxica a l'è marcä in doî tempi, con 'na strûttûa armònica tipicamente italiann-a, sûnnä da 'n ôrchesta tipica co-o bandoneon comme strûmento prinçipâ.
A dansa a se fa in base a l'abbrasso d'a côbbia, môlto sensuâle e cômplessa.
I testi son composti con çerte paròlle de 'na pârlä locâle ciammä lunfardo, e de sovente pârlan de magoîn, speçialmente inte "cose de l'amö", sentîe da-a gente cômûne, aspetto che o relassionn-a co-o blues.
Enrique Santos Discepolo, ûn d'i ciû grandi pôèti d'o Tango, o l'ha definîo comme 'n pensamento triste c'o se balla.
In prinçipio, o tango o l'è nasciûo comme mûxica popolâre inta velöxe crescita d'a çittæ de Buenos Aires, pinn-a d'immigranti, tra i quæi môlti zeneixi, inta zona d'o pôrto e o quartæ de La Boca. Côscì i græn outôri d'o tango (Le Pera, Contursi, Discépolo, Troilo, Espósito, Gardel, Filiberto, Razzano, Cobián, Cadícamo e âtri) g'han de lë fæto 'na mûxica nassionâle.
