Rengschburg

Aus Wikipedia

Der Àrtikl is im Dialekt „Nidaboarisch“ gschriem worn.

Rengschburg

Wåppn

Kårtn

Basisdàtn

Kreisfreie Stodt

Koordinaten: -BY 49° 1′ N, 12° 5′ O -BY 49° 1′ N, 12° 5′ O

Hèh:

326–471 m ü. NN

Flächn:

80,76 km²

Eiwohna:

130.080 (30. Sep.. 2006)

1611 Eiwohna pro km²

93001–93059

0941

09 3 62 000

Stadtgliadarung:

18 Stadtbezirk

Adress vo da
Stadtvawòitung:

Rathausplatz 1
93047 Regensburg

Webseitn:

www.regensburg.de

Politik

Obabuargamoasta:

Hans Schaidinger -

So schaugts aus, wannst vom Hammerbschlächt zum Dom umme schaugst

Rengschburg (hochdeitsch: Regensburg) is de Hauptstod vo da Obapfoiz. In da Stodt wohna heid a bissl mehr åis wia 130.000 Leid. Rengschburg liegt am neadlichsten Punkt vo da Doana (hochdeitsch: Donau).

[dro werkln] Gschicht

Rengschburg is no vo de Röma ois "Castra Regina" gründt worn. A oida Grobstoa vo da Sarmanninna besieglt aa, dass as Christntum scho ziemlich fria in Rengschburg do gwen is. Deszweng gibts a as Schottenkloster, vo durt aus is de Christianisierung vo Baiern ausganga. Im Mittloiter woar Rengschburg a reiche Reichstodt, bsonders da Soizhandl hod Rengschburg reich gmacht. Deszweng steht neba da Stoanan Bruck da historische Soizstadel. Und danebm is de wahrscheinlich älteste Wirtschaft übahaupt, und zwar de historische Wurschtkuchl, do wern seit a boor hundert Joor Würscht vakaaft.

Vo 1663 bis 1803 woar Rengschburg da Sitz vom immerwearnden Reichstog. Erst 1810 is Rengschburg dann zu Baiern kumma. Im zwoatn Wäitkriag is de Oitstodt vo Rengschburg so guat wia unzersteart bliam, so dass se se bis heid erhåitn hod.

[dro werkln] Wos gibts zum seng?

Wahrzeichn vo da Stodt sand da Dom (105 Meta hoch) und de Stoanane Bruck.

[dro werkln] Dom

Scho vo weidn siecht ma dean Dom, dens im dreizehntn Jahrhundert (1260/70) zum Baua ogfanga ham. A vorleifigs End vo de Bauarbeitn hods im Jahr 1520 gebn. De Kircha is erscht in da Zeit vom Kenich Ludwig am Erschtn fertich worn (1872), des hoaßt, de gschbitzertn Turmhaubm, de ausschaun wia a umdraade Eiswaffl mit am Kreizerl obm drauf, han erscht recht schbät naufbaut worn.

[dro werkln] Stoanane Bruck

De Stoanane Bruck is a weng älta wia da Dom (1135-1146) und is de erschte ihrer Art im ganzn bairischn Kulturgebiet, waals ebm ganz aus Stoana baut worn is. Damits bessa hoid, hod ma seinerzeit an Hauffa oachane Baamstämm in'd Doana neigrammt, und dodraaf steht de Bruck. Damals ham vüle vom achten Weltwunder g´red. An ganzn Hauffa Sagn, Mären und Gschichtn ranka se um an Dom und de Stoanane Bruck.

[dro werkln] Folterkammer

De Folterkammer im oiden Rathaus is weltweit de oanzige, de no in ihrer Orginalausstattung voi erhaltn is. De Rengschbuacha sogn dazua "Fragstatt" mit da "Langa Liesl", des is a Mordswerkzeich, mit dem ma d'Leid am Krang a weng strecka ko. Also, wenn ma in de Folterkammer neigeht, na gengan zerscht amoi a boaar Staffl owe, links is an da Wendt a Loata dran, do is de oame Sau (do hod ma na ganz greisliche Sachan mit dem gmacht) onebundn worn. Rechts davo is de Streckbank mitm "gspicktn Hosn". Hint im Eck is da Esl mit da scharfn Kantn zum Naufhocka, und im andern Eck is de Liesl. Hervorn is a kloans Bankerl fürn Dokta und fürn Richter, und links draußd is nachad da Blotz vom Henker gwen. Des erkennst dodro, waal de Bank zwar für drei Leid gmacht worn is, owa de Lehne hert bei zwoaran aaf. Is hoid a so gwen, waal da Henka war a "Unherlicha", des hoaßt, der war eigentlich de ärmste Sau, hod de greißte Drecksarbat macha miaßn und koana hod nan leidn kenna.

Wos ganz Bsonders san a de sogenanntn Gschlechtertürm, de se de reichn Kaufleid vo da Stod fria baut ham, damits eanan Reichtum noch außn zoagn. Im Mitteloida hods von dene Türm no vui mehra gehm. Heidzutag gibts nur mehr Stuckara sechs oder siebn.

[dro werkln] Kiacha

Kiachan hod Rengschburg a ganze Litanei, zum Beischpui de Dominikanerkirch, de Emmeramskirch mit der Woifgangskrypta drinna, de Oide Kapelln am Kornmarkt, d'Karmeliterkirch gengüwa, Niedermünster, Obermünster, und no rund dreihundertfuchzg andana Kiachan und Kapellna. De Kirchnleit spuin überhaupts no a groasse Rolln in dera Stodt. Zum Beischpui ghert fast a Drittel von de Heisa in da Innenstadt zua Kirch.

Natirli derf ma a net vagessn, daß da jetzige Pabst Benedikt af da Rengschburger Uni unterrichtet hod. Da sama scho schtoltz draf.

[dro werkln] Buidung

In Rengschburg gibts a a Uni, de 1962 baut woan is. Außa da Uni gibts no a Fachhochschui. 2005 homs dort ogfangt, a neie Mensa und a Bibliothek zum bauan. Ois zamagrechat soi der Bau fast 30 Milliona Euro kostn. Dai Studentn wern imma mera in Rengschburg. 2006 woarn in da Uni 17.000 und in da Fachhochschui 6.000 Studentn drin ghockt.

[dro werkln] Sport

Rengschburg hod drei recht guade Sportvereine. Des war im Fuasboll da Jahn, im Eishockey d'Eisbären und a Bäisboimannschaft hams a no, des san d'Legionäre.

Da Jahn is da gresste Fuassboiverein in da Stod und hod a lange Tradition, scho 1889 hams den gründet. Da Jahn spuid im Rengschburga Jahnstadion. Derzeit spuida in da Regionalliga Süd.

Dann gibts no de Eisbären Regensburg. Friara woa des da EV Regensburg, oiso da Eislaufverein Rengschburg. D'Eisbären und da EVR spuin in da recht neia Donau Arena. De sand a recht guat und spuin in da zwoaten Bundesliga.

D' Legionäre spuin in da erstn Bundesliga in da Gruppn Süd. De gibts seid 1987 und spuin in oam vo de schensten Basebollstadien in ganz Deitschland, da Armin-Wolf-Arena. De Legionäre san Favorit umd deitsche Moastaschaft.