Ludwig I.
Aus Wikipedia
Da Ludwig I. war Kine vo Bayern vo 1825 bis 1848 und da Bua vom Max I. Da Ludwig hod vui für's kuiturelle Lem im Kinereich Bayern do, bsonders z'Minga. Des segst an da Ludwigstroß mit Siegestor und Feldherrnhalle, genau wia am Kenigsplatz und da Scheenheitsgalarie im Schloß Nymphenburg. Aber ohne an Ludwig I. gab's ned nur koa Bavaria z'Minga, sondern a koa Wiesn. Weil, seit da Houzoat vom Ludwig I. und da Therese vo Hildburghausen, am 17. Oktober 1810, gibt's as Oktoberfest. Weil er so vui ibaghobt hod für Griachaland, is dann sei zwoatda Bua, da Otto I., Kine vo Griachaland worn (desweng hom de, aa heit no, a weißblaue Fahna). Er sejm hod 1848 abdanka miassn, weng oana Affär mit da Tänzerin Lola Montez. Er hod seim erstn Buam Max II. ibagem. No a Bua vo eahm war da spadare Prinzregent Luitpold, an Stammvoda vo de heitign Wittelsbacher.
