Suldal
Frå Wikipedia – det frie oppslagsverket
| Våpen | Kart |
|---|---|
 |
 |
| Grunnleggjande opplysningar | |
| Kommunenr: | 1134 |
| Fylke: | Rogaland |
| Administrasjonssenter: | Sand |
| Flatevidd: | 1 727 km² |
| Folketal: | 3 874 (2007) |
| Politikk | |
| Ordførar (2007-2011): | Torkel S. Myklebust (Sp) |
| Målform: | Nynorsk |
| Nettstad: | www.suldal.kommune.no |
Suldal er ein kommune nordaust i Rogaland fylke med om lag 4000 innbyggjarar. Suldal ligg i Ryfylke- regionen. Kommunen grensar i nord mot kommunane Etne, Sauda, Odda og Vinje, i aust mot Bykle, i sør mot Hjelmeland og Finnøy, og i vest mot Vindafjord. Rett vest over fjorden er òg Tysvær kommune.
Kommunen er med sine 1740 km² den største i Rogaland, og landskapet strekkjer seg frå kyst- og fjordlandskap til dalføre, skogar og urørte fjellområde. Omtrent 8% av den samla vasskraftproduksjonen i Noreg skjer i kommunen, og dei store damanlegga og Blåsjø er verdt eit besøk.
Vasskraftutbygginga byrja på 1960-talet då nedbørsfeltet til Suldalsvatnet vart omfattande regulert. Fyrst kom Røldal-Suldal og seinare Ulla-Førre. Reguleringa har ført til store inngrep i naturen, men òg store inntekter for kommunen, som får mykje av sine inntekter frå kraftproduksjon.
Ungkarsfestivalen vert kvart år arrangert på Suldalsosen. Kommunesenteret Sand er eit trafikk-knutepunkt, handels- og skulesenter. Der kan ein mellom anna finna spesialbutikkar, legekontor, apotek og tannlækjar. Suldal er òg vertskommune for Topp Volley Norge og har som mål å utdanne topp volleyballspelarar. Suldal har fostra mange volleyballtalent opp gjennom åra.
 |
|
