Montargis
Frå Wikipedia – det frie oppslagsverket
| Styresmakter | |
|---|---|
| Land Region Departement |
Frankrike Centre Loiret |
| Geografi | |
| Flatevidd - By |
4,46 km² |
| Innbyggjarar - By (1999) - folketettleik |
15 030 3 370/km² |
| Koordinatar | Koordinatar: |
| Høgd over havet | 85 m |
| Tidssone | CET (UTC+1) |
| Diverse annan informasjon | |
| Postnummer | 45200 |
| Heimeside: www.montargis.fr | |
Montargis er ein by og kommune sentralt i Frankrike. Han er sous-préfecture (underprefektur) i departementet Loiret i regionen Centre og har om lag 15 000 innbyggjarar.
Byen ligg om lag 110 km sør for Paris og 70 km aust for Orléans, ved elva Loing i hjarte av regionen Gâtinais.
Montargis er den nest sørste byen i Loiret etter Orléans. Han ligg nær ein stor skog og hovudnæringane er lett industri og jordbruk, inkludert safran. På grunn av dei mange kanalane og bruene vert Montargis stundom kalla «Gâtinais sitt svar på Venezia». Sjølv om byen er forholdsvis moderne har han ein mellomaldersk sjarm i sentrum.
Innhaldsliste |
[endre] Historie
Byen skal ha vore staden der sjalusigudinna Juno gjekk til åttak på Argus. Namnet Montargis skal ha kome frå det det latinske ordet mons argi. Alternativt nemner Julius Cæsar høvdingen Moritas som gav namn til ein by i området. Uansett oppstod byen i antikken, og det er funne fleire gallo-romerske gjenstandar her.
Seinare var byen ein skanse for frankarkongen Klodvig I.
Montargis høyrte opphavleg til huset Courtenay, som bygde ei borg på ein ås ovanfor byen. Byen vart avstått til kongen av Frankrike i 1188. På 1300- og 1400-talet var byen residens for dei kongelege.
[endre] Hundreårskrigen
I 1427, under Hundreårskrigen, omleira Richard de Beauchamp, jarl av Warwick, byen med artilleri og byrja bombardementet den 15. juli. Under omleiringa saboterte innbyggjarane i Montargis dikene til fleire vatn i området, og skapte ein flaum som drukna mange av engelskmenna. 5. september braut ein fransk styrke på 1 600 menn omleiringa, leia av Jean de Dunois og La Hire, kommandørar som seinare leia hæren til Jeanne d'Arc. Dette markerte den første viktige sigeren til Karl VII sin hær under krigen.
Då Jeanne d'Arc vart skada etter ei mislykka omleiring av Paris i september 1429 reiste ho gjennom Montargis på veg til Gien.
Etter krigen gav Karl VI byen fleire privilegiar. I 1490 erklærte etterfølgaren hans, Karl VIII byen som Montargis Le Franc («Skattefrie Montargis»). Montargis slapp å betale skatt i trehundre år fram til den franske revolusjonen.
[endre] 1500-talet
I 1528 gav Kong Frans I byen til svigerinna si, Renée av Frankrike, Hertuginne av Ferrara og dotter av Louis XII. Etter at mannen hennar Ercole II, Hertug av Ferrara, døydde i 1559 flytta Renée til Montargis. Ho gav her ly til hugenottar som flykta frå forfølgjingar i Paris og andre stader under hugenottkrigen.
