Mattilsynet
Frå Wikipedia – det frie oppslagsverket
Mattilsynet er ein norsk statsetat som skal ha tilsyn med plantar, fisk, dyr og næringsmiddel. Det bidreg til å sikra forbrukarar helsemessig trygg mat og trygt drikkevatn.
Tilsynet blei oppretta i 2004. Det har hovudkontor i Oslo og har i tillegg åtte regionkontor og 63 distrikskontor. Fem av regionkontora har nasjonale kompetansesenter.
- Regionkontoret for Troms og Finnmark (Kautokeino)
- Regionkontoret for Nordland (Sortland), med Nasjonalt senter for lønn, rekneskap og avgiftsinnkrevjing.
- Regionkontoret for Trøndelag, Møre og Romsdal (Steinkjer)
- Regionkontoret for Hordaland, Sogn og Fjordane (Bergen), med Nasjonal senter for fisk og sjømat.
- Regionkontoret for Rogaland og Agder (Sandnes), med Nasjonalt senter for dyr og animalsk mat.
- Regionkontoret for Buskerud, Vestfold og Telemark (Bø)
- Regionkontoret for Oslo, Akershus og Østfold (Ås), med Nasjonalt senter for plantar og vegetabilsk mat.
- Regionkontoret for Hedmark og Oppland (Brumunddal), med Nasjonalt senter for IKT-drift og dokumentasjon.
Mattilsynet blei oppretta ved at fem tidlegare tilsynsetatar (Statens dyrehelsetilsyn, Statens landbrukstilsyn, Statens nærinsmiddeltilsyn, sjømatdelen av Fiskeridirektoratet og 89 kommunale næringsmiddeltilsyn) blei slegne saman. Føremålet var å skape eit felles og einskapleg tilsyn, med ansvar for heile kjeda frå jord og fjord til bord.
Administrerande direktør er Joakim Lystad
