Lech

Frå Wikipedia – det frie oppslagsverket

Lech
Lech i Augsburg
Utspring	Dei nordlege kalksteinsalpane
- Høgd	1 865 m
Munning	Donau
- Høgd	392 m
Land i nedslagsfelt	Tyskland, Austerrike
Lengd	264 km
Middelvassføring	200 m³/s
Nedslagsfelt	4 126 km²

Kart over Lech og nedslagsfeltet

Fossestryk i Lech, nær Füssen

Lech (Licus, Licca) er ei elv i Austerrike og Tyskland, og ei av sideelevene til Donau frå høgre med ei lengd på 264 km og eit nedslagsfelt på 4 126 km².

Ho har sitt utspring frå innsjøen Formarinsee i Alpane i den austerrikske delstaten Vorarlberg. Ho renn i retning nord-nordaust og kryssar grensa til Tyskland ved Lechfall, ein tolv meter høg foss, før ho går inn i eit smalt gjel (Lechschlucht). Ho går så innover Fussensletta i Bayern der ho tidlegare danna grensa til Schwaben. Ho renn gjennom byen Füssen og så ut i Forggensee. Her dannar ho elvestyrk.

Elva renn vidare nordover gjennom eit område kalla Lechrain og gjennom byane Schongau, Landsberg, Augsburg (der ho renn saman med Wertach) og Rain, før ho renn ut i Donau like forbi Donauwörth. Det er ikkje mogeleg med transport på elva på grunn av dei strie straumane og stundom grunne grusparti. Frå Neuschwanstein-slottet, nær Füssen, kan ein få eit flott utsyn over Lechdalen.

Fleire gonger gjennom tidene har elvebreidda vore åstad for historiske hendingar.

I 278 vann den romerske keisaren Probus eit slag mot invaderande burgundarar og vandalar, som hadde plyndra store delar av den romerske provinsen Rhaetia.
Ved Lechfeld, ei steinslette mellom Lech og Wertach, nær Augsburg, vann Otto I eit slag over ungararane i august 955.
I Slaget ved Rain i april 1632 vann Gustavus Adolphus frå Sverige eit slag og drepte grev Johan Tzerclaes Tilly. Dei mykje frykta og respekterte Hakkapeliitta frå Finland medverka i dette slaget.

[endre] Kjelder

Denne artikkelen er basert på ei omsetjing av artikkelen Lech River frå Engelsk Wikipedia .

Donau
Land:Tyskland \| Austerrike \| Slovakia \| Ungarn \| Kroatia \| Serbia \| Romania \| Bulgaria \| Ukraina \| Moldova
Byar: Donaueschingen \| Ulm \| Ingolstadt \| Regensburg \| Passau \| Linz \| Wien \| Bratislava \| Győr \| Komárno \| Esztergom \| Budapest \| Baja \| Vukovar \| Ilok \| Bačka Palanka \| Novi Sad \| Beograd \| Smederevo \| Drobeta-Turnu Severin \| Vidin \| Ruse \| Brăila \| Galaţi \| Tulcea
Sideelver: Iller \| Lech \| Regen \| Isar \| Inn \| Enns \| Morava \| Rába \| Váh \| Hron \| Ipeľ \| Drava \| Tisza \| Sava \| Timiş \| Velika Morava \| Jiu \| Iskar \| Olt \| Osam \| Jantra \| Vedea \| Argeş \| Ialomiţa \| Siret \| Prut