Kaukasiske språk
Frå Wikipedia – det frie oppslagsverket
Det er mange språk i Kaukasus, desse språka høyrer til fleire ulike språkfamiliar. Nokre av familiene finst berre i Kaukasus.
Innhaldsliste |
[endre] Språkfamiliar
[endre] Familiar som finst berre i Kaukasus
Dei fleste språka som blir snakka i Kaukasus kan delast inn i tre språkfamiliar. Dei blir kalla kaukasiske språk, sjølv om dei ikkje er noko genetisk slektskap dei i mellom.
- Kartvelske språk, også kalla sørkaukasiske språk; inneheld blant anna georgisk, det offisielle språket i Georgia, med rundt 4 000 000 talarar.
- Pontiske språk, også kalla nordvestkaukasiske språk; inneheld blant anna kabardisk, med rundt 1 000 000 talarar.
- Dagestanske språk, også kalla nordøstkaukasiske språk; inneheld blant anna tsjetsjensk med rundt 1 000 000 talarar.
Desse språka, som er innfødde i Kaukasus, deler ein del områdetrekk, som ejektive konsonanter og ein agglutinerande struktur, og alle språka utom mingrelsk er meir eller mindre ergativie. Pontiske og dagestanske språk har også eit stort antall konsonanter, som i ubykhisk, som har mellom 80 og 84 konsonanter; kartvelske språk, derimot, har relativt få konsonanter; georgisk har 28 konsonanter, og lazisk har 30; samanlikna med språk som arabisk (28 konsonanter) og russisk (35–37 konsonanter).
[endre] Familiar med større utbreiing
Andre språk som er brukt i Kaukasus, tidlegare eller noverende, kan plasserast inn i større språkfamiliar med ei mykje større geografisk utbreiing.
- Indoeuropeiske språk
- Armensk
- Gresk
- Pontisk gresk
- Iranske språk
- Ossetisk
- Jødetat
- Slaviske språk
- Altaiske språk
- Tyrkiske språk
- Aserbajdsjansk
- Karatsjai-balkarisk
- Kumykisk
- Nogaisk
- Mongolske språk
- Kalmykisk
- Tyrkiske språk
- Afroasiatiske språk
- Semittiske språk
- Bohtansk nyarameisk
- Assyrisk nyarameisk
- Semittiske språk
[endre] Nordkaukasiske språk?
Nokre språkforskarar meiner at dei nordaustlige (dagestanske) og nordvestlege (pontiske) språka er i slekt, og har gjort framlegg om å setje dei saman til ein nordkaukasisk familie, som ofte kallast kaukisk eller kaukasisk, til tross for at den ikkje er meint å dekke dei sørkaukasiske (kartvelske) språka. Dette forslaget har imidlertid ikkje vorte akseptert.
