Stappest
Van Wikipedie
|
|||||||
 |
|||||||
| Perveensie | Overiessel | ||||||
| Heufdplak | Stappest | ||||||
| Oppervlak - Laand - Waeter |
135,70 km² 134,29 km² 1,41 km² |
||||||
| Antal inwoners Inwoners per km² |
15.903 (1 jannewaori 2007) 118 inw./km² |
||||||
| Geografische koördinaoten | 52°38' NB 6°12' OL | ||||||
| Belangrieke verkeersaoders | A28, N377 | ||||||
| Netnummer | 0522 | ||||||
| Postkodes | 7715, 7950-7955 | ||||||
| Officiële webstee | www.staphorst.nl | ||||||
Stappest (Nederlaans: Staphorst) is een gemiente en dörp in de Nederlaanse previnsie Overiessel. De gemiente hef um-en-bi'j 15.800 inwoners en hef een oppervlakte van 136 km² (mit een te verwaorlozen gedielte an waoter).
In de gemiente ligt de dörpen Rouvene, IJhorst en Punthorst, en de buurtschoppen Halfweg, Hamingen en Lankhorst. In 't oosten van de gemiente ku-j de Boswachteri'je Stappest vienen. Stappest wordt bediend deur 't naobi'j elegen Möppelt in Drenthe.
[bewark] Dörpskarakter
Samen mit Rouvene vormt Stappest een typisch veurbeeld van lintbebouwing an de olde rieksweg en de gemienteweg. Opvallend an Stappest en Rouvene bint de felgrune luken en deuren met boven de veurdeure dikkels een zogenaamde levensboom en de klederdracht die vrogger van jong tot old deur mannen en vrouwen edragen wordden, mar wat now hiel gauw ofneemt. Kiender die permanent of allinnig in de winter in klederdracht loopt, bint al een zeldzaamheid. Ok volwassen mannen zie-j der niet meer in lopen, op een paor bejaorde mannen nao. Volwassen vrouwen die in klederdracht loopt, bint der nog wel aordig veule. In 1937 is in de Algemiene plaselijke verordening vastlegd dat 't verboden is "iemand op of an de weg zonder zien of heur toestemming te fotograferen".
[bewark] Karkelijkheid
De gemienschop van Stappest stiet bekend as ien van de miest karkelijke binnen Nederlaand, en is knap esleuten. Der bestaot verschillende geriffermeerde karken van verschillende oriëntaties. De zundagsrust wordt stark in acht eneumen en de karkdiensten in de protestantse karken wordt drok bezocht. De dörpskarke van Stappest is mit um-en-bi'j 2.300 zitplasen ien van de grootste karken in Nederlaand en zit iedere zundag vol. Op speciaole dagen zoas biddag en dankdag bint in Stappest alle winkels, bedrieven en schoelen esleuten. 't Lek dan een normaole zundag; mar de karkdiensten wordt miestal pas 's aovens eholden.
[bewark] Kunnigheid
In disse lieste vin ie bekende mèensen die op Stappest woont, of ewoond hebt.
- Stien Eelsingh (1903-1964), schilderes
- Peter Stegeman ('t Stappester boertien) (1840-1922), krudendokter
 |
