Stadsgrunnegs
Van Wikipedie
| Stadsgrunnegs | |
|---|---|
| Noam | Stadgrunnegs |
| Andere noamen | Stadjeders |
| Nederlaandse noam | Stadsgronings |
| Proat in | Nederlaand |
| Toalgebied | t Stad Grunnen |
| Aantel sprekers | 38.000 |
| Dialekten | gain |
| Toalklassifikoatie |
|
| Schrift | Latainse alfabet |
| Toalstoates | t Stadsgrunnegs wordt zain as n dialekt van t Grunnegs |
| Toalkode ISO 639-1 | n.v.t. |
| Toalkode ISO 639-2 | n.v.t. |
| Toalkode ISO 639-3/DIS | n.v.t. |
t Stadsgrunnegs (ook Stadjeders nuimd) is t Grunnegse dialekt dat ien de Stad proat wordt. t Beheurt tot de Noordwest-Leegsaksische dialekten woar ook de andere Grunnegse dialekten en t Oostfrais tou beheuren.
t Stadsgrunnegs liekt nog t maist op t orginele Grunnegs dat tot de loate middelaiwen (±1350) allend ien de Stad proat wuir. Bie de verainen van Stad en Lande (provìnzie) nam t Grunnegs laanksoam t Frais oet de Ommelanden grotendails over. In de provìnzie worden nog n aantel Fraise woorden of oetdrukkens bruukt. Dizze binnen tegenswoordeg ook aanwezeg ien t Stadsgrunnegs, moar ien mindere moat. Veur veul Fraise lainwoorden het t Stadjeders weer n aaigens woord dij verwaant is aan dij ien t Noordvelds.
t Stadsgrunnegs is staark verwant aan t Noordvelds (Noord-Drìnts) dat ook tot t Grunnegs rekend wordt.
Aal is t Stadsgrunnegs t orginele Grunnegs, t zuvere dialekt verdwient laankzoam. Dit kommt onderandere omdat n groot dail van de jonge bewoners van de Stad studenten binnen, dij veur n groot dail nait oet de Stad of provìnzie ôfkomsteg binnen.
