Sillevolde
Van Wikipedie
Sillevolde (Nederlands: Silvolde) is een darp in de gemeente Olde Iesselstreek in de previnsie Gelderland in Nederland.
Sillevolde heft ruum 5800 inwoners en hef een goeie repetatie op het gebied van onderwies (Almende College) en cultuurevenementen (Silvolde Cultuurdorp). Het darp hef een leavendig verenigingsleaven op het gebied van muziek, theater en entertainment. In Sillevolde bunt de afgelopen jaoren de Heuvelstraat en het Patrijsplein opni-j in-ericht. Samen met de bewoners is hard ewarkt um de kwaliteit van wonen in Sillevolde hoog te hoden. Korts is het appartementengebouw Bongershoek ebouwd.
In het gebied tussen Sillevolde en Terborg is in 2004 een prachtig sportcomplex verschenen, waorin particulier initiatief (een sportschole) en gemeentelijk initiatief (een moderne sporthal) mekare verstarkt. De markante beboste heuvel kort bi-j het complex is de Paosberg, een old rivierduinencomplex, opgeweaid rond de iestied, toen hier niet de Olde Iessel, maar een veurloper van de Rien deur het gebied streumde.
Sillevolde ligt in een prachtige natuurlijke umgeving. De meest bi-jzunderste plek van Sillevolde is misschien wel heemtuin ‘De Anemonenkuul’. Op disse vroggere zandafgraving zie'j unieke planten en laoten vlinders en vogels zich graag zien en heuren. Als bezienswaordigheid bunt de Nederlands Hervormde Karke en de Rooms- Katholieke Karke te numen. Ook de Gerritsmölle is het bezichtigen weerd. De wekkelijkse markte is op donderdagmargen.
Sillevolde kent de volgende evenementen:
