Grunnegs woordenbouk

Van Wikipedie

___

Dit is n Grunnegs woordenbouk Grunnegs-Nederlaands. Dingen dij hierin stoan binnen: oetsproak, spèllen, grammoatiek, woorden en zegswiezen.

[bewark] Info veurof

Dailen van Noord-Nederlaand woar man Grunnegs proat

Der bestaait ook n ziede "Grunnegs" mit meer informoatsie op dit onderwaarp

t Grunnegs is t dialekt dat proat wordt in de provìnzie Grunnen en de grìnsgebieden mit t Drìnt en Fraislaand. t Bestaait oet meerdere dialekten, woardeur nait overaal t zölfde Grunnegs proat wordt. Om toch alle Grunnegse dialekten heur stee te geven, worden alle schriefwiezen in dit woordenbouk vermeld.

De dialekten t Grunnegs binnen van west noar oost:

• Pompsters, in t Fraise dörp De Pomp
• Westerkwartaars, aan zuudwestkaant van t Rietdaip
• Hoogelaandsters, op Hoogelaand
• Stadjeders, in Stad en Hoaren
• Noordvelds, in de kop van t Drìnt
• Oldambtsters, tuzzen de ploatsen Loppersom, Slochter, boven Winschoot en Bennewold in
• Veenkolonioals, in de Veenkelonien en om en bie Winschoot
• Westerwolds, om en bie de dörpen Troapel, Zèlng en Onstwedde

[bewark] Oetsproak

Der bestaait ook n ziede "Grunnegs (oetsproak)" mit meer informoatsie op dit onderwaarp

Ien t Grunnegs worden letters over t aalgemain net zo oetsproken as ien t Nederlaands. Dochs binnen der wel n aantel letters dij aans oetsproken worden. Zinnen worden voak wel hail aans oetsproken, deurdat Grunnegers voak hail vlot proaten. Der wordt voak zègd dat t Grunnegs zo schreven wordt as dat t oetsproken wordt, môr as man perzies schrieven gaait as dat man proat, den krigst veurbeelden as dit:

Veurbeeld 1

Schriefwieze: "Dat het hai aiglieks nait doan," zegt zien bruier

Oetsproak: Daddedde ailieks naaidoan, sètsien bröjr

Veurbeeld 2

Schriefwieze: Woarom schriefst doe heur nait woar of t is?"

Oetsproak: Woarem ssriefstoeheur naait woaroft is?

Veurbeeld 3

Schriefwieze: Dij kerel staait doar nou al doagen laank te wachten

Oetsproak: Dij kirrol staaitoar nouwaal doakhnglaank twach-hen

Veurbeeld 4

Schriefwieze: Maggen joe doar nait in?

Oetsproak: Makhngjoe doarnaidin?

De ö is de i in de Nederlaandse oetsproak van "shirt". De kombinoatsie kh is de Duutse g. De kombinoatsie oa is de oo ien "oor". Zai t heufdartikel veur meer informoatsie.

[bewark] Spèllen

Der bestaait ook n ziede "Grunnegs (spèllen)" mit meer informoatsie op dit onderwaarp

Veur t Grunnegs bestaait gain vaaste spèllen en t is nait standerdiseerd. Der is wel n veurkeursspèllen dij ien elk dialekt as standerd zain wordt, môr nait aaltieds broekt wordt, omreden der nait veul weet van is. Zai t heufdartikel veur meer informoatsie over de spèllen van t Grunnegs.

[bewark] Grammoatiek

Der bestaait ook n ziede "Grunnegs (grammoatiek)" mit meer informoatsie op dit onderwaarp

De grammoatiek van t Grunnegs verschilt ien veul zoaken van dij van t Nederlaands. t Is zowel verwaant aan dijent van t Frais en Leegsaksisch, wat perzies dudelk môkt wat t Grunnegs is, Friso-Saksisch.

[bewark] Biezundere woorden

Der bestaait ook n ziede "Grunnegs (biezundere woorden)" mit meer informoatsie op dit onderwaarp

Ien t Grunnegs bestoan der n aantel woorden woarvan t gebroek of de betaikenis ôfwiekt van de Nederlaandse. Dizze woorden worden ien t heufdartikel beschreven.

[bewark] Woorden noar kategorie

Der bestaait ook n ziede "Grunnegs (kategorie)" mit meer informoatsie op dit onderwaarp

Man kin noast t zuiken op letters, ook zuiken op kategorie. Hier stoan aalmoal woorden biemekoar dij wat mit n bepoald onderwaarp te doun hebben.

[bewark] Algemaine woorden

Ien dizze seksie kin man zuiken op letter:

A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z

[bewark] Geogroafie

Der bestaait ook n ziede "Grunnegs (geogroafisch)" mit meer informoatsie op dit onderwaarp

Onder dit kopke kin man lezen hou bepoalde ploatsnoamen, landen en gebieden ien t Grunnegs nuimd worden. Dizzent worden aanders nait aaltieds broekt en worden den gewoon vervongen deur de aaigense benoamen van dat gebied of de Nederlaandse noam.

[bewark] Zegswiezen

Der bestaait ook n ziede "Grunnegs (zegswiezen)" mit meer informoatsie op dit onderwaarp

Ien t Grunnegs bestoan n hail ìnde zegswiezen dij ôfwieken van t Nederlaands. Ook n hail ìnde wieken ôf van t Leegsaksisch, woardeur de maiste zegswiezen typisch Grunnegs binnen. Ien t Grunnegs Nederlaands worden dizze zegswiezen sums letterlieks vertoald, woardeur der wel ais misverstanden ontstoan.

Grunnegs woordenbouk
Oetsproak | Spèllen | Grammoatiek | Biezundere woorden | Woorden noar kategorie | Geogroafische noamen | Zegswiezen A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z

Woordenbouken
Grunnegs • Drèents • Stellingwarfs • Sallaans • Tweants • Achterhooks • Oost-Veluws • West-Veluws • Urkers • Oostfreisk