De Balk

Van Wikipedie

Locatie van De Balk binnen de gemiente Hardenbarg

De Balk (Nederlaands: Balkbrug) is een dörpien in de gemiente Hardenbarg in 't noordoosten van Oaveriessel. De N377 deurkruust 't dörp, dat een endtien onder de Riest, de grèensrevier mit Drenthe lig. In de wiendrichtings noord, oost, zuud, west lig De Balk niet wied van Zuudwolde, Hardenbarg, Omm en Ni'jlusen. De plaots hef 3789 ienwoners (1993 mannen en 1796 vrouwen). ^[1] ^{daotum ewenst}

De Balk hef nauwe kontakten mit de iets noordeliker elegen buurtschop Old-Avereest, daoras 't een karakterestieke Nederlaands hervörmde karke mit dielt. ^[2]

't Dörp ontstund in de eerste helfte van de neengtiende eeuw an 't kenaol de Dedemsvaort, daor waor de weg van Omm naor Möppelt löp. De Balk krig zien name van een balk die onder een brogge in de vaort lag. Dizze balk mos teenggaon det schepen mit 'n te grote diepgaank deur de brogge zolden kunnen vaoren. 't Dörp greuiden rapper deur de oprichting van de bedelaarskelonie van de 'Maatschappij van Weldadigheid' in 1818 an de Ommerschaans. In 1980 kwaamp 'r een end an de kelonie en vier jaor later wördden 't rieksopvoedingsgesticht veur jongeluu Veldzicht opend. In 1930 gunk de deure van 't huus toe, en in 1933 kwaamp Veldzicht in gebruuk as rieksinrichting veur ter beskikking estelden, wat 't töt vandage is.

Van 1886 töt 1947 kwaamp de stoomtram van de Dedemsvaartsche Stoomtramweg-Maatschappij deur De Balk. Dizze tram leup van Dedemsvaort dörp naor Dedemsvaort SS, een station an 't speur Zwolle-Möppelt. In 1908 greuiden De Balk uut töt een kneuppunt veur stoomtrams, toe as Spoorweg-Maatschappij Meppel-Balkbrug een speur openden tussen Möppelt en De Balk. Dit speur is in 1939 esleuten.
In de jaoren zestig is de Dedemsvaort bi'j De Balk edempt en wördden de N377 d'r oaver anelegd. An de oostkaante van 't dörp kruust de N48 dizze weg middels een viaduct mit op- en ofritten.

Op De Balk stiet een flinke meule, De Star.

[bewark] Literetuur

Seinen, J.R. & Varwijk, G.H. (samenstelling) (1983), Stap voor stap langs de Dedemsvaart met G.H. Varwijk, De Vaort: Boekhandel Rooseboom
Varwijk, G.H. (samenstelling) (1998), De Dedemsvaart, zijn stad, streek en dorpen, De Vaort: Boekhandel Rooseboom