Breevoort
Van Wikipedie
Breevoort (Nederlands: Bredevoort is de enige plaatse met stadsrechten in de gemeente Aalten in den Achterhook, previnsie Gelderland in Nederland.
Ut olde vestingstadjen Breevoort is vanaf 1818 deel van de gemeente Aalten. In de middeleeuwen was het stadjen de woonplaatse van borgmannen. Disse kearls waren de verdedigers van het vroggere kasteel van Breevoort. De heren van Breevoort maken van de vroggere veurburcht een heavig umstreden vesting dèn van 1326 tot 1795 heufdstad van de heerlijkheid Breevoort was (de tenswoordige gemeentes Aalten en Wenters). De Grote Grachte en het Möllebastion herinnt nog aan dissen tied.
De grootheid van Bredevoort blik onder andere uut het feit dat koningin Beatrix de titel van "Vrouwe van Bredevoort" drig. De mölle van Breevoort hef de name "Prins van Oranje" waoruut ok de verbondenheid met het Huus van Oranje bliekt.
Hendrickje Stoffels (Breevoort, 1626 - Amsterdam, 1663) is de bekendste Breevoortse van geboorte. Zi-j was in de 17e eeuw schildersmodel en leavenspartner van Rembrandt van Rijn.
Tegenswoordigs is Breevoort landelijk veural bekens as boekenstad. De jaorlijkse Gondelvaart in ut letste weekend van augustus en ut eerste weekend van september trekt altied völle bezukers.
