Bezemheed
Van Wikipedie
De bezemheed (Latien: Calluna vulgaris) kump in heel Europa veur, mar veural in Midden- en Noord-Europa. Naor 't osen kump 't heestertjen tot West-Siberië veur. In de 19e eeuw is de bezemheed deur Schotse immigranten mee-eneumen naor Kanneda en hef zich vandaor uut over heel Noord-Amerika verspreid. 't Is de enigste soorte in 't geslach Calluna.
't Hef tweeslachtige, alziejige bloemen. De kelke en de bloemkrone hem dezelfde kleur. An 't einde van de takjes zitten paorse bloempjes, disse bloemen zurgen veur de mooie paorse heedvelden. Veural in natte jaoren is de bleui uutbundig. De bloemkrone blief nog lange vastezitten oek as de plaante uut-ebleuid is. An de takjes zitten kleine ongestelen blaojen.
Onderwarpen |
[bewark] Ekelogie
Bezemheed kump veur op arme zaandgronden en in kalkarme dunen. De heed kan allinnig in stand ehouwen wonnen deur regelmaotig plaggen, waordeur de grond schrao blif. Bie een wat riekere grond treet vergrezing op. Oek is verbrummeling een prebleem.
De nectar is deur insekken makkelijk te bereiken. Naos hoenigbiejen en hommels koemen oek graafbiejen mit een korte tong, wespen en vliegen op de nectar of. Veur de gewone heedspanner is bezemheed oek een waordplaante.
[bewark] Gebruuk
De takken wönnen vrogger veul gebruuk veur 't maken van een bezem, hier kump oek de naam van 't plaantjen vandaon. Disse bezems wonnen noen nog steeds emaak.
[bewark] Nedersaksisch
[bewark] Zie oek
[bewark] Gallerieje
 Bezemheed |
 Opname van dichtebie |
 Opname van dichtebie |
 Zoemerheed |
 |
Meer ofbeeldingen dee bie dit onderwarp heuren ku-j vienen op de pagina Calluna vulgaris van Wikimedia Commons. |
