Kannede

Van Wikipedie

Kannede is een laand in et noordelike diel van Noord-Amerike. An de zuudkaante wodt et begreensd deur de Verienigde Staoten van Amerike, an de oostkaante deur de Atlantische Oceaan, an de westkaante deur et Amerikaanse Alaska en de Stille Oceaan en in et noorden deur de Arctische Oceaan. De naeme Kannede komt van et Indiaanse Kanata (= nederzetting). De heufdstad van Kannede is Ottawa. De grootste steden bin Toronto en Montreal. Et staotsheufd van Kannede is de Britse keuningin Elizabeth II, vertegenwoordigd in Kannede deur de Gouverneur-Generaol. Kannede is lid van et Gemienebest van Naosies. De heufdreligie van Kannede is et kristendom (77%).

[bewark] Tael

Kannede as gehiel is officieel twietaelig, hoewel d'r in et westen vaeke niet zoveul van te marken is. De Québécois praoten een vortzetting van et Fraans van de 17e en 18e ieuw, mar in tegenstelling tot wat mit et Afrikaans gebeurd is, hebben ze vaastehullen an dezelde standerdtael as aandere Fraanstaelige gebieden zoas Fraankriek, westelik Zwitserlaand of Wallonië. Et laand het een taelperbleem en d'r bin in Québec referenda west waor de onofhanakelikhied van Québec mar nipt ofwezen wodde. In et vleden hebben de Fraanstaeligen an diskriminaosie blootstaon, hoewel veul Kannedezen (ok gemaotigde Fraanstaeligen) dat inmiddels een veroolderde overweging vienen. Ok in een antal aandere perveensies zoas Ni'j-Brunswiek, Ontario en Manitoba wodt ienig Fraans praot.

[bewark] Klimaot

Grote dielen van Kannede kennen slim koolde winters mit tempereturen die in et noorden en op de prairies riegelmaotig onder de -40° Celsius kommen. Een uutzundering bin de kustgebieden in Brits-Columbia mit milde en regenachtige winters.

Zoemers kunnen in grote dielen van Kannede, veural et zuden, opvalend waarm wezen en vaeke vochtig. De gemiddeld waarmste steden in Kannede bin Vancouver, Victoria en Windsor, de meerst zudelik legen stad. Een klein woestiengebied in de wienstreek Okanagan, in et zuden van Brits-Columbia. Et uterste zuden van Ontario is een uutloper van de zogenaemde Tornado alley vanuut de Verienigde Staoten, een gebied waor vaeke tornado’s veukommen.

[bewark] Perveensies

Et laand is onderverdield in 10 perveensies en drie territoria, die rechtstreeks deur de regering van et laand bestuurd wodden. Disse territoria bin dunbevolkt.

De tien perveensies bin: Alberta - Brits-Kolumbia - Manitoba - Ni'j-Brunswiek - Newfoundland en Labrador - Nova Scotia - Ontario - Prins Edwardeilaand - Québec - Saskatchewan
En de territoria: Noordwest-Territoria (inclusief diel van de Kannedese Arctische Eilanen) - Nunavut - Yukon.

Veur et territorium Nunavut gellen liekewel dezelde riegels as veur een perveensie. Et gebied wodt veurnaemelik bewoond deur Eskimo's (of Inuit), ien van de oorspronkelike bevolkingsgroepen van Kannede.

[bewark] Steden

De heufdstad van Kannede is Ottawa.

De grootste steden bin Toronto en Montréal.

Inkelde aandere steden bin:

• Québec
• Vancouver
• Calgary
• Victoria
• Edmonton
• Winnipeg
• Halifax
• St. John's
• Regina

[bewark] De muuite weerd um te bekieken

• L'Anse aux Meadows
• Nationaol park Nahanni
• Perveensiaol park Dinosaur
• Kluane/Wrangell-St. Elias/Glacier Bay/Tatshenshini-Alsek (gedieltelik in de Verienigde Staoten van Amerike)
• SGaang Gwaii (Anthony Island)
• Head-Smashed-In Buffalo Jump
• Nationaol park Wood Buffalo
• Parken in 't Kannedese Rotsgebargte (ok wel Rocky Mountains nuumd); Burgess-schaolie, vrogger apat op de Wereldarfgoedliest, is onderdiel van dit gebied
• Historische wiek van Québec
• Nationaol park Gros Morne
• De oolde stad Lunenburg
• Waterton-Glacier internationaol vri'jhiedsparks (gedieltelik in de Verienigde Staoten van Amerike)
• Miguasha Park

[bewark] Nationaole feestdag

De nationaole feestdag van Kannede is 1 juli: Canada Day, de dag waorop in 1867 de Konfederaosie van Kannede (Dominion of Canada) tot staand kwam. De feestdag wodde eerst Dominion Day nuumd en wodde in 1879 veur et eerst vierd. Sund 1982 is de hudige naeme in gebruuk.

Canada Day wodt vaeke uutbundig vierd mit optochten en vuurwark. In Ottawa bin d'r evenementen rondomme de parlementsgebouwen.

[bewark] Kaorte

Meer ofbeeldingen dee bie dit onderwarp heuren ku-j vienen in de kattegerie Canada van Wikimedia Commons.