Steen, Papeer, Scheer
Vun Wikipedia
 |
 |
 |
| Elk vun de dree Teken (vun links na rechts: Steen, Papeer, Scheer) sleit een vun de twee annern Teken | ||
Steen, Papeer, Scheer (ok Schnick-Schnack-Schnuck) is en bekannt Speel, dat mehrst vun Kinner, oder wenn en Tofallsentscheden maakt warrn schall, speelt warrt.
Twee Spelers maakt en Fuust un seggt Schnick... Schnack... Schnuck..., wiels se de Füüst schwenkt. Denn wiest beid ehr Hand un maakt een vun de baven wiesten Teken. En slatene Fuust för Steen, en utstreckte Hand för Papeer oder twee utstreckte Fingers för Scheer.
Dat gifft dree Regeln
- Steen haut de Scheer kaputt un winnt
- Scheer snidd dat Papeer un winnt
- Papeer ümwickelt den Steen un winnt
Hebbt beid Speler dat sülve Teken, denn warrt nochmal speelt.
[Ännern] Historie
Lieks as Go un Mahjong wörr „Steen, Papeer, Scheer“ vun de Chinesen utfunnen. In dat vun Xiè Zhàozhì (謝肇淛) in de late Ming-Tiet schrevene Book Wǔzázǔ (五雜俎 oder 五雜組) speelt en poor Personen en Speel, dat shǒushìlìng (手勢令) nöömt wörr, dat as en Foorm vun „Steen, Papeer, Scheer“ ansehn warrt.
In'n Westen weer dat Speel bet to't 19. Johrhunnert nich bekannt un is denn woll vun de US-Amerikaners ut Japan övernahmen worrn un keem so ok na Europa.
