19. Johrhunnert

Vun Wikipedia

17. Johrhunnert - 18. Johrhunnert - 19. Johrhunnert - 20. Johrhunnert - 21. Johrhunnert

Dat Düütsche Kaiserriek warrt utropen in den Spegelsaal vun Versailles

Dat 19. Johrhunnert fangt an up'n 1. Januar 1801 un geiht to Enn up'n 31. Dezember 1900. Dat warrt to dat Tietöller vun de Nutiet torekent.

[Ännern] Kulturgeschicht

In de Kunst un Kultur gifft dat na de franzöösche Revolution eerst mal de Romantik un dat Biedermeier. Ok de Klassizismus is noch in'e Gängen. In Berlin arbeit' Schinkel an klassizistisch Formen un finnt to desülbige Tiet de Neegotik ut. Later kummt dor de Neeromanik to un an't Enn vun't Johrhunnert ok de Eklektizismus. In de Musik sünd Ludwig van Beethoven, Franz Schubert, Schumann, later Johannes Brahms un Richard Wagner Künstler mit groden Erfolg. An'n Anfang vun dat Johrhunnert sünd Schrievers as Schiller un Goethe ganz wichtig, later kaamt Theodor Fontane, Theodor Storm un annere up. In de plattdüütsche Literatuur sünd Fritz Reuter un Klaus Groth wichtig.

[Ännern] Philosophie un Geschicht vun den Geist

De Rationalismus vun de Aufklärung warrt afleggt. Johann Gottlieb Fichte, Friedrich Wilhelm Joseph Schelling un Georg Wilhelm Hegel sünd Philosophen ut düsse Tiet. Later schrifft Karl Marx öber de Idee vun den Kommunismus un Arthur Schopenhauer bringt de Idee up, datt allens gor keen Sinn hett. An't Enn vun't Johrhunnert schrifft Friedrich Nietzsche siene famosen Gedanken up un dat warrt seggt, datt he de Vader vun den Nihilismus is. In de tweede Hälft vun düt Johrhunnert kriegt de Idden vun de Naturwetenschuppen een swaar Gewicht.

[Ännern] Politik

In'n Anfang vun düt Johrhunnert steiht Napoleon Bonaparte. Ünner sien Herrschup is allerwegens in Düütschland toeerst mal de Franzosentiet. As he 1815 ünnerkregen warrt, gifft dat allerwegens in Europa eerst mol de Restauration. 1830 un eerst Recht 1848 gifft dat verscheden Revolutionen in Europa. Dor warrt aber nix vun. Düütschland kümmt tosamen na den Krieg gegen Frankriek 1870/1871. De König vun Preußen warrt denn as Kaiser vun dat Düütsche Riek utropen. Mit dat Osmaansche Riek geiht dat duchtig bargdal. De groden europääschen Mächten nehmt sik allerwegens Kolonien. In de USA weert de Indianers meist utrott'. De verscheden Länner un Staaten vun Italien weert vun Giuseppe Garibaldi mit Gewalt innahmen un as Königriek Italien ünner de Hand vun Vittorio Emmanuele II. vereent.

1801	1802	1803	1804	1805	1806	1807	1808	1809	1810
1811	1812	1813	1814	1815	1816	1817	1818	1819	1820
1821	1822	1823	1824	1825	1826	1827	1828	1829	1830
1831	1832	1833	1834	1835	1836	1837	1838	1839	1840
1841	1842	1843	1844	1845	1846	1847	1848	1849	1850
1851	1852	1853	1854	1855	1856	1857	1858	1859	1860
1861	1862	1863	1864	1865	1866	1867	1868	1869	1870
1871	1872	1873	1874	1875	1876	1877	1878	1879	1880
1881	1882	1883	1884	1885	1886	1887	1888	1889	1890
1891	1892	1893	1894	1895	1896	1897	1898	1899	1900

19. Johrhunnert

Vun Wikipedia

[Ännern] Kulturgeschicht

[Ännern] Philosophie un Geschicht vun den Geist

[Ännern] Politik

Views

Navigatschoon

Mitmaken

Söken

Annere Spraken