Үет хөлтөн
Чөлөөт нэвтэрхий толь, Википедиагаас
| Үет хөлтөн Оршин байсан хугацаа: Кембригээс өмнө - Одоо хүртэл |
||||
|---|---|---|---|---|
 Мексикийн улаан хөлт аалз
Brachypelma smithi |
||||
| Биологийн ангилал | ||||
|
Үет хөлтний хүрээ (Arthropoda хүрээ, Грек: ἄρθρον буюу arthron - "нийлмэл", ποδός буюу podos - "хөл" гэсэн утгатай) нь шавьж, хавч хэлбэртэн зэргийг багтаасан амьтны аймгийн хамгийн том хүрээ юм. Энэ хүрээнд 1,500,000 орчим зүйл амьтад багтана. Үет хөлтний гол онцлог нь тэдгээрийн бие нь дор хаяж нэг сигмент бүхий үелэсэн бүтэцтэй байна. Хоол боловсруулах систем нь өмнөд, дунд, хойд гэсэн гурван хэсгээс тогтно. Хитин бүрхүүлээр бүрхэгдэж гадаад араг яс үүсгэнэ.
Одоо оршин буй амьтдын >80% нь үет хөлтөн байдаг байна[1]. Үет хөлтөн нь тэнгис, цэнгэг ус, эх газарт түгээмэл тааралдана. Биеийн хэмжээ нь планктоноос эхлээд хэдэн метр хүрнэ. Одоо буй хамгийн том үет хөлтөн бол "Японы аалзан хавч" бөгөөд хөлнийх нь хэмжээг оруулан тооцвол нийт урт нь 3,5 метр хүрдэг байна.
Үет хөлтний хүрээг дотор нь хэд хэдэн дэд хүрээ болгодог.
- Заламгай амьсгалууртан (Branchiata)
- Трахейтан (Tracheata)
- Трилобит хэлбэртэн (Trilobitomorpha)
- Хелицертэн (Chelicerata) зэрэг.
 |
Энэ өгүүлэл хэт богино байна. Үүнийг өргөжүүлж Википедиад туслаарай. |
[Засварлах] Ишлэл
 |
Commons: Arthropoda - зураг, медиа материалууд |
- ↑ Anna Thanukos. The Arthropod Story. University of California, Berkeley.
