Zambezi
Da Wikipedia.
 |
Cheest artícul al è scrivüü in koiné uçidentala, urtugrafía ünificada. |
Ul Zambesi l'è un fiümm de l'Africa meridiunala, lünch 2.574 km e cunt un basin de 1.570.000 chilometer quader spartii sü sett staat: Zambia, Angola, Namibia, Zimbabwe, Muzambich, Botswana e Malawi.
Al vègn föö da un laghètt palüduss in del nurdòvest del Zambia e al partiss in direzziun süüt per 800 chilometer circa, fin a la cunflüenza del sò aflüeent Cuando. Dopu de lì al gira inver Est e al mantegn chel'urientameent, cunt una cürva lingera inver südest per i olter 1.600 km del sò cuurs fin a che al finiss la cursa in de l'Ucean Indian in del staat del Muzambich, cunt un delta.
In del sò cuurs al furma rapit e cascaat: i püssee famuus a inn i Cascaat Vitoria, in sül cunfin fra Zimbabwe e Zambia.
Ul fiümm l'è duperaa daj pupulazziun lucàj anca cumé fuunt de energia, ca la vègn daj dü sbarameent de Cabora Bassa in Muzambich (ca la ga dà l'energia a la Repüblica Südafricana) e da chèla de Kariba, ca la quata Zambia e Zimbabwe.
| Grandi fiümm del muunt | |
|---|---|
| Amu Darja | Amur | Arkansas | Brahmaputra | Colorado | Congo | Danübi | Dnepr | Dnestr | Elba | Eüfraa | Gange | Huang He | Indu | Irrawaddy | Irtysh | Jenisej | Kolyma | Lena | Lòira | Mackenzie | Madeira | Mekong | Mississippi | Missouri | Murray-Darling | Niger | Nilu | Ob | Oder | Ohio | Orange | Orinoco | Paraguay | Paranà | Pechora | Red River | Renu | Riu dii Amazzun | Riu Graand | Riu Negher | Ròdan | Salween | San Lureenz | São Francisco | Sèna | Syr Darja | Snake River | Tago | Tigri | Tocantins | Ural | Uruguay | Vìstula | Volga | Yangtze | Yukon | Zambezi | | |
