Da Wikipedia.
|
|
Quest articol chì l'è assee ben faa e l'è mia de trà via |
 |
Ul percuurs del fiümm Yukon (mapa in inglees).
L'Yukon l'è ul fiümm püssee impurtant del statt american del'Alaska. Al nass in Canada, in del teritòri ca l'à cjapaa ul nòmm (Teritòri del Yukon) e dopu 3.185 km al sa svöja in del Maar de Bering cunt un delta; ul sò basin imbrìfer l'è grand 840.000 km², ca l'è inscià a dì tri volt l'Italia. Generalmeent l'è geraa da utuber-nuvember fin a apriil-macc.
Vist la lünghezza, la sò impurtanza l'è minga tròpa, suratütt perché al traversa dii zòòn ch'inn propi puch pupulaa (l'è assee pensà che in 3.185 chilometri de percuurs, sa incuntren dumé 4 puunt stradai); l'è staa püssee impurtant in dii ann 1898-1899, quand gh'è stada la cursa a l'or in del Klondike (ca l'è un fiümicèll, sò aflüeent).
