Frå Wikipedia – det frie oppslagsverket

[endre] Wikipedia:Kven skal ha ein artikkel på Wikipedia

Ikkje alle personar treng omtale i eit leksikon. Om ein person skal vera omtalt på Wikipedia, vert avgjort av kor ’’leksikonverdig’’ personen er. At ein er leksikonverdig er ikkje det same som at ein er «kjend» eller «viktig», sjølv om desse tre tinga kan vera samanfallande.

Retningslinene våre er ikkje absolutte, og heller ikkje statiske. Om du meiner at personen du vil skriva om er eit unntak frå retningslinene, kan du laga ei diskusjonsside og ta opp diskusjonen der. Om du meiner retningslinene er utdaterte eller galne og bør endrast, kan du ta det opp på diskusjonssida til denne sida.

[endre] Kven er leksikonverdige

[endre] Grunnleggjande krav

Det er eitt krav alle må oppfylla for å vera leksikonverdige: Personen må vera omtalt^[1] i eksternt publiserte kjelder.

• Aviser, vekeblad og lignende er ikkje rekna for å vera gode kjelder. Wikipedia skal ikkje vera ei samling av kjendisstoff.
• Om kjeldene ikkje er gode nok, treng ein fleire kjelder for å verifisera at informasjonen i artikkelen er korrekt.

[endre] Andre krav

Ein person er leksikonverdig viss han/ho i tillegg oppfyller eitt eller fleire av følgjande krav:

• Har motteke prestisjetunge prisar på nasjonalt eller internasjonalt nivå.
• Har stått for eit avgjerande bidrag i historia til det feltet han jobbar med eller er kjend for.

[endre] Forfattarar og musikarar

• Folk som har vunne kulturprisar er leksikonverdige.
• Forfattarar er leksikonverdige viss dei har gjeve ut ei eller fleire bøker på eit eksternt forlag.
• Omsetjarar må ha sett om særleg kjende verk eller mange bøker.
• Musikarar er leksikonverdige viss dei har gjeve ut eitt eller fleire album gjennom eit eksternt plateselskap.
  • Einskildpersonar i ei musikkgruppe kan vera leksikonverdige dersom gruppa er særleg viktig i sjangeren sin.
• Kjende musikarar frå før grammofonplata si tid.

[endre] Idrettsutøvarar

• Fotball- og handballspelarar må ha spela i den øvste divisjonen i Noreg, på tilsvarande nivå i utlandet eller på eit landslag.
• Utøvarar innan andre lagidrettar må ha spela profesjonelt eller vore på landslaget.
• Utøvarar i individuelle greiner må vera representerte i internasjonale konkurransar eller på nasjonalt toppnivå.

[endre] Politikarar

Politikarar er leksikonverdige om dei har:

• sete på Stortinget, som vara til Stortinget eller tilsvarande organ.
• vore medlem av ei regjering.
• vore ordførarar, varaordførarar, komitéleiarar, byrådar eller tilsvarande i ein kommune eller fylkeskommune.
• vore partileiar eller har representert eit parti som talsmann i media.
• vore leiar i ein nasjonal ungdomsorganisasjon.
• hatt tunge internasjonale verv.

[endre] Journalistar og programleiarar

Det å vera journalist er ikkje i seg sjølv nok til å verta omtala i eit leksikon. Nokre er likevel leksikonverdige:

• Redaktørar.
• Programleiarar på riksdekkjande TV.
• Journalistar som gjennom fleire år har vore tydelege profilar i riksmedia.
• Journalistar som har vunne viktige prisar.

[endre] Vitskapsfolk

• Forskarar må ha gjeve ut noko som har hatt stor innverknad på det feltet dei forskar på.

[endre] Embetsmenn

• Generalar
• Biskopar
• Fylkesmenn
• Ambassadørar

[endre] Leiarar

• Direktørar eller daglege leiarar i verksemder med meir enn 100 tilsette.
• Styreleiarar i verksemder med meir enn 250 tilsette.
• Styremedlemar og konserntillitsvalde i verksemder med meir enn 1000 tilsette.

[endre] Organisasjonsfolk

• Leiarar i større landsfemnande organisasjonar (fagorganisasjonar, interesseorganisasjonar og politiske organisasjonar)
• Storskrivarar i dei største organisasjonane
• Styremedlemmar i sentrale og store organisasjonar (LO, UNIO, Naturvernforbundet ol.)

[endre] Kven er ikkje leksikonverdig?

• Det er ikkje nok at ein er i familie med viktige folk. Familiemedlemer kan verta omtalte i ein biografi og ha omdirigeringar dit, men skal ikkje ha eigne artiklar om dei ikkje er leksikonverdige åleine.
• At ein person har fått mykje omtale i media, gjer ikkje han/henne leksikonverdig.
• At ein person skriv på Wikipedia, gjer ikkje han/henne leksikonverdig.

[endre] Artiklar som ikkje fyller desse krava

[endre] Viss artikkelen ikkje fortel det som trengst

Dersom du finn ein artikkel som ikkje viser kvifor den omtalte personen er leksikonverdig, bør du:

• Prøva å betra artikkelen dersom du har nok kunnskap til å fylla ut det som manglar.
• Spørja dei som har skrive artikkelen etter utfyllande informasjon.

[endre] Viss artikkelen ikkje har gode nok kjelder

• Prøv å finna kjelder
• Spør artikkelforfattaren kva for kjelder han har brukt
• Om du ikkje finn kjelder, ta opp problemet på diskusjonssida, og legg inn teksten {{kjelder}} eller {{manglar kjelde}} i artikkelen.

[endre] Viss artikkelen ikkje fyller det grunnleggjande kravet, men fyller nokre av dei andre

Viss du finn ein artikkel som ikkje tilfredsstiller kravet om gode kjelder, men der personen er viktig nok til at han bør vera omtalt, skal ikkje personen ha ein eigen artikkel, men informasjonen kan kanskje flettast inn i ein annan artikkel som handlar om det same emnet.

[endre] Viss artikkelen ikkje møter krava i det heile

Viss du finn ut at ein artikkel ikkje møter krava i desse retningslinene, legg du inn malen {{slett}} i artikkelen, og grunngjev det på diskusjonssida til artikkelen.

[endre] Fotnotar