Sandra

Frå Wikipedia – det frie oppslagsverket

Sandra er eit kvinnenamn som er ei kortform av Aleksandra, som er eit namn med gresk opphav. Den avleida forma Sandra skal fyrst ha vorte teke i bruk i Italia som avleiding av den italienske forma av namnet Aleksandra, Alessandra. Eit tilsvarande mannsnamn er Sander som på same vis er avleida av Aleksander. Sandra kan også vere ei kortform av Kassandra.

[endre] Sandra i Noreg og Sverige

I Noreg var namnet ein del bruka på slutten av 1800-talet, men gjekk so nesten ut av bruk til det tok seg noko oppatt frå 1940-talet og utover. Namnet fekk ein stor oppsving på midten av 1980-talet og har helde seg ganske populært sidan, men det har ikkje noko år vore mellom dei ti mest gjevne jentenama i Noreg sett under eitt. Dei som fekk namnet på slutten av 1800-talet budde til størstedelen i Nordland og Troms, hovudområdet frå etter andre verdskrigen var Sør-vestlandet.

Mellom 1996 og 2005 har det kvart år vore mellom 134 og 220 jentebarn som har fått namnet Sandra. 1. januar 2006 var det 4592 jenter og kvinner i Noreg som hadde Sandra som fyrste førenamn.

I Sverige har namnebruken hatt ei liknande utvikling som den i Noreg, men namnet vart der endå meir populært på 1980-talet. Sandra var på sitt mest populære det sjette mest gjevne namnet til jentebarn i Sverige. Pr. 31. januar 2005 var det 24 155 jenter og kvinner som hadde Sandra som fyrste førenamn i Sverige.

[endre] Namnedag

Sandra har namnedag 17. februar både i Noreg og Sverige.

[endre] Kjende namneberarar

Sandra Bullock – amerikansk filmskodespelar
Sandra Cretu, også kjend som berre Sandra. – tysk popsongar som hadde ein kjempehit på midten av 1980-talet med Maria Magdalena.
Sandra Kim – belgisk popsongar, vinnar av Melodi Grand Prix 1986
Sandra Lyng Haugen – norsk popsongar som deltok i TV2-programmet Idol.
Sandra Oh – kanadisk skodespelar