Levallois-Perret
Frå Wikipedia – det frie oppslagsverket
 |
|||
|
|||
| Plassering | |||
|---|---|---|---|
 |
|||
| Styresmakter | |||
| Land Region Departement |
Frankrike Île-de-France Hauts-de-Seine |
||
| Geografi | |||
| Flatevidd - By |
2,41 km² |
||
| Innbyggjarar - By (2005) - folketettleik |
62 500 25 934/km² |
||
| Koordinatar | Koordinatar: | ||
| Høgd over havet | 28 m | ||
| Diverse annan informasjon | |||
| Heimeside: www.ville-levallois.fr | |||
Levallois-Perret er ein kommune i dei nordvestlege forstadane til Paris i Frankrike. Han ligg 6,4 km frå Paris sentrum, men har eigen bystatus, og med eit folketal på rundt 60 000 innbyggjarar fordelt på berre 2,4 km² er han ein av byane i Europa med høgast folketettleik.
[endre] Namn
Namnet Levallois-Perret kjem frå frå to boligprosjekt (Levallois og Champerret) påbyrja av landeigar Jean-Jacques Perret i 1822 (Champerret) og utviklar Nicolas-Eugène Levallois i 1845 (Levallois), som førte til at begge namna vart nytta i kommunen.
[endre] Historie
Før den franske revolusjonen låg det ein landsby kalla Villiers og ei grend kalla Courcelles på staden. Desse har i dag gjeve namn til to metrostasjonar i området. Då kommunane vart oppretta under den franske revolusjonen, vart desse ein del av kommunen Clichy, medan kommunen Neuilly-sur-Seine strakk seg over det som i dag er sørvestlege delar av Levallois-Perret.
Landeigar Jean-Jacques Perret byrja å byggje boligar i 1822 i den nordaustlege delen av kommunen Neuilly-sur-Seine, på ein stad som snart vart kalla Champerret («champ perret» tyder «sletta til Perret»), som har gjeve namn til ein av stasjonane til Paris Métro. I 1845 starte Nicolas-Eugène Levallois eit boligprosjekt for landeigar André Noël i hans område nær La Planchette (i kommunen Clichy). Området som Nicolas-Eugène Levallois utvikla vart snart kjend som Village Levallois.
I 1860-åra hadde Village Levallois og Champerret vakse saman til eit samanhengande område, og fleire krevde då at desse skulle verte slått saman til ein kommune.
30. juni 1866 vart kommunen Levallois-Perret til slutt utskild frå Clichy der Village Levallois stod, og slått saman med delen frå Neuilly-sur-Seine der Champerret stod.
Levallois-Perret vart eit viktig senter for den tidlege franske bilindustrien med selskap som Clément-Bayard, Delage og karosseritilvirkaren Chapron. Citroën kjøpte Clément-Bayard-fabrikken og den vidkjende Citroën 2CV vart produsert i Levallois i nesten førti år. Levallois-Perret var òg eit viktig senter for kosmetikkindustrien tidleg på 1900-talet.
Dei nordlege delane av den kjende Ile de la Jatte i elva Seinen, der franske impresjonisme-malarar laga mange av sine meisterverk, ligg i kommunen Levallois-Perret.
