Chicago

Frå Wikipedia – det frie oppslagsverket

Chicago

Fakta
Delstat	Illinois
County (fylke)	Cook County, DuPage County
Ordførar	Richard M. Daley
Flatevidd	606,2 km²
Folketal	2 896 016 (2005)
Folketettleik	4867 innb./km²
Vevside	http://www.ci.chi.il.us/city/webportal/home.do
Tidssone	CST (UTC -6
Geografi

Chicago er den tredje største byen i USA med eit offisielt folketal på 2 896 016 i 2005, med forstadar mellom 9 og 11 millioner. Byen går og under kallenamna «Second City» og «The Windy City». Chicago ligg i delstaten Illinois på kysten av Michigansjøen. Dessuten er Chicago eit stort trafikknutepunkt, både for lufttrafikken og jernbanetrafikken. O'Hare International Airport som er Chicagos hovudflyplass er ein av verdas mest trafikkerte flyplassar.

Under forbodstida var Chicago assosiert med gangstarar og spritsmugling. Den mest kjente gangstaren frå Chicago er truleg Al Capone.

2. desember 1942, vart verdas første kontrollerte atomreaksjon utført ved University of Chicago som del i det topphemmelige Manhattanprosjektet.

[endre] Historie

På 1700-talet var Chicago primært busett av den indianske Potawatomi-stammen, som tok plassen til Miami, Sauk and Fox-stammane som hadde kontrollert området tidlegare. Namnet Chicago kjem frå ordet «Checagou» eller «Checaguar» som på Miami-Illinois-språket tyder «villauk» og «skunkdyr». Området vart kalla dette på grunn av den fæle rotne lukta som ein type lauk-plante produserte i Chicago-området på den tida.

Dei første ikkje-indianske busettarane i Chicago var Jean Baptiste Point du Sable, ein haitiar av afrikansk opphav. Han busette seg ved Chicagoelva rundt 1770 og gifta seg med ei lokal Potawatomikvinne. I 1795, etter krigen om Nordvest -terretoriet, vart området (saman med store delar av Ohio og delar av Indiana) i Greenville-avtalen overført frå indianarane til USA til bruk som militær-post. I 1803 vart Fort Dearborn konstruert og var i bruk fram til 1837, bortsett frå tidsrommet 1812 til 1816 då fortet vart øydelagt under Fort Dearborn massakren som følgje av 1812-krigen.

[endre] Industrialisering og vekst

Fil:Chicago 1549875.jpg

200px

Chicago by vart grunnlagt 12. august 1833, byen hadde på det tidspunkt 350 innbyggarar. Dei opprinnelege yttergrensene til byen vart utgjort av gatene Kinzie, Desplaines, Madison og State street, som innramma eit område på ca. 1 km².

Før det var gått sju år hadde folketalet i den opprinneleg franske og indianske byen auka til ca. 4000. Chicago vart tilstått bystatus 4. mars 1837 av delstaten Illinois. Opninga av Illinois- og Michigan-kanalen i 1848 gjorde det mogleg med shipping over The Great Lakes gjennom Chicago til Mississippi-elven og vidare til Mexicogolfen. Den første jernbanelinja til Chicago, Galena & Chicago Union Railroad, vart ferdig same år.

[endre] Den store brannen i Chicago

I 1871 brann det meste av byen. Øydeleggjingane etter brannen var enorme: 300 mennesker døyde, 18 000 bygningar vart øydelagte og nesten 100 000 av dei 300 000 innbyggjarane i byen vart heimlause.

Hovudgrunnen til at brannen fekk så store konsekvensar var at byen var bygd i tre. Sjølv fortaua var i tre. Samtidig som brannen var katastrofal, har historia vist at brannen kan ha vore til gagns for byen og forstadane. Det gav byplanleggaranene ein sjanse å starte med blanke ark og rette opp feilane frå fortida. I dei neste åra vart verdas første skyskrapar bygd, gatenettverket vart eit standard rutemønster, og posisjonen til byen som transportsenteret i Amerika vart stadfest. Alt dette bidro til ei langsiktig ramme for robust vekst.