Barentshavet
Frå Wikipedia – det frie oppslagsverket
Barentshavet er ein del av Nordishavet. Det er eit havområde mellom Noreg og Russland nord for polarsirkelen som er kalla opp etter den nederlandske oppdagaren Willem Barents. I vest møter Barentshavet Norskehavet, medan det grensar mot Franz Josefs land og Novaja Semlja i aust. Svalbard ligg mot nordvest.
På grunn av Golfstraumen held den sørlege delen av Barentshavet seg isfri året rundt. Dei svært nordlege hamnene i Murmansk og Vardø nyt godt av det. Golfstraumen fører óg til eit rikt biologisk liv, frå planteplankton og kril til torsk, sel, kval og sjøfugl.
Noreg og Russland er framleis ikkje blitt einige om territorialgrensene i Barentshavet, og derfor finst det eit område i havet som blir kalla Gråsona. Dette området er regulert gjennom Gråsoneavtalen. Havområdet Smuttholet ligg utanfor både den norske og den russiske økonomiske sonen.
Snøhvitfeltet er eit naturgassfelt under utbygging i Barentshavet. Det vert førebudd mykje petroleumsverksemd i området. På russisk side vert utbygging av Shtokmanfeltet førebudd.
Barentsregionen er ei nemning på landområda kring Barentshavet.
