Ándros
Frå Wikipedia – det frie oppslagsverket
| Ándros Lokalt namn: Λέρος |
|
|---|---|
 Ei stand på Andros |
|
| Geografi | |
 |
|
| Stad | Egearhavet |
| Koordinatar | Koordinatar: |
| Øygruppe | Kykladane |
| Areal | 102,8 km² |
| Administrasjon | |
| Land | Hellas |
| Periferi Prefektur |
Sør-Egearhavet Kykladane |
| Demografi | |
| Folketal | 10 500 |
| Folketettleik | 40 /km² |
Ándros, óg kalla Andro (gresk: Άνδρος) er ei øy i Hellas som høyrer til Kykladane i Egearhavet. Ho er den nordlegaste øya i øygruppa og ligg om lag 10 km søraust for Euboea og om lag 3 km nord for Tinos. Øya er nesten 40 km lang og på det breiaste 16 km. Andros er ei fjellkledd øy med mange frodige dalar. Hovudbyen heiter óg Andros og ligg på austkysten med om lag 2 000 innbyggjarar. Øya hadde rundt 18 000 innbyggjarar i 1900 og i dag like over 10 000.
Innhaldsliste |
[endre] Historie
Øya var i antikken busett av folk frå Jonia og kanskje med ei blanding frå Thraki. Øya var opphavleg avhengig av Eretria, men på 600-talet fvt. var ho velståande nok til å sende ut fleire kolonistar, mellom anna til Khalkidike (Akanthos, Stageira, Argilus, Sane). Ruinane av Palaeopolis, den antikke hovudstaden, ligg på vestkysten og byen hadde eit kjend tempel tileigna Dionysos. I 480 fvt. forsynte ho skip til Xerxes og vart av den grunn plyndra av den greske flåten. Sjølv om ho vart medlem av Det athenske sjøforbundet var ho fiendtleg innstilt mot Athen, og i 477 fvt. vart ho tvunge inn i eit klerukh. I 411 fvt. erklærte Andros seg likevel som sjølvstendig, og i 408 fvt. gjekk athenarane til åttak. Som medlem av Det athenske sjøforbundet på ny vart ho igjen kontrollert av ein garnison og ein arkont.
I den hellenistiske perioden låg Andros ved fronten mellom Makedonia og Egypt. I 333 fvt. fekk ho ein makedonsk garnison frå Antipater, men i 308 fvt. vart ho sett fri av Ptolemaos I av Egypt. I den khremonidiske krigen (266-263 fvt.) gjekk ho igjen til Makedonia etter slaget ved Andros. I 200 fvt. vart ho erobra av ein flåte med skip frå Romarriket, Pergamon og Rhodos, og vart verande under Pergamon fram til riket vart oppløyst i 133 fvt..
Før ho kom inn under Det osmanske riket var Andros frå 1207 evt. til 1566 styrt av familiane Zeno og Sommariva frå Venezia. Etter eit par hundre år under tyrkarane vart Kykladane ein del av Hellas i 1821.
[endre] Landsbyar
- Apoikia
- Ammolochos
- Andros (Khora)
- Ano Aprovato
- Ano Gavrio
- Arnas
- Batsi
- Epano Fellos
- Gavrio
- Kalyvari
- Kaparia
- Katakilo
- Kipri
- Kochilos
- Korthio/Ormos Korthiou
- Lamira
- Livadia
- Makrotantalo
- Messaria
- Palaiokastro
- Palaiopolis
- Pitrofos
- Sineti
- Stenies
- Varidio
- Vitalio
- Vouni
- Vourkoti
- Ypsilou
[endre] Bakgrunnsstoff
[endre] Kjelde
- Denne artikkelen er basert på ei omsetjing av artikkelen Andros frå Engelsk Wikipedia der følgjande kjelder mellom anna vart nytta:
- "Large Bronze Age Town Unearthed On Andros." New York, N.Y.: Hellenic Times. Sep 2- 30, 2005. Vol. XXXII, Iss. 11; s. 2. ISSN 1059-2121 (link)
- http://www.gutenberg.org/files/13600/13600-h/13600-h.htm
|
|
||
|---|---|---|
|
Amorgos • Anafi • Andros • Antiparos • Delos • Ios • Kea • Kimolos • Kythnos • Milos • Mykonos • Naxos • Paros • Folegandros • Santorini • Serifos • Sifnos • Sikinos • Syros • Tinos |
||
