Stevel
Van Wikipedie
n Stevel is n bepoald soort schounderij mit n hege schaacht, deurgoands van leer môkt, môr ook röbber en kunststoffen (neopreen) worden toupaast. n Stevel kin dainen as beschaarmen tegen sladder en onhuur of kolle, môr wordt ook wel as modieus schounderij droagen.
De heugte van n normoale stevel kin verschillen van net over de enkel tot boven de knij, ôfhaankelk van de lengte van de schaacht.
Normoalerwies verwiest t Grunnegse woord "stevel" noar n röbberstevel, môr wordt tegenswoordeg ook veur aander soorten stevels bruukt, bieveurbeeld cowboystevels, riederstevels en legerstevels.
[bewark] Trivia
- De Italjoanen nuimen heur laand Itoalie ook wel "de stevel", lo stivale ien t Italjoans, omdat t Appenains haalfaailaand de vörm het van n stevel. Sisielje, legen aan de vout van dizze stevel, wordt den verleken mit n voutbaal.
- In Duutslaand, Oosterriek en Luxembörg bestaait ook n glas dij de vörm het van n stevel. Hier wordt den bier oet dronken. Dizzent wordt de stiefel nuimd.
[bewark] Leegsaksisch
- Grunnegs: stevel
- Stellingwarfs: leerze
- Veluws:
- leers, leerze
- läärze (Wezep, Attem)
- stiefel (Lieren, Apeldoorne)
