Mooi Wark
Van Wikipedie
Mooi Wark is nen boernrock-band oet Dreante. Mooi Wark is op erichet in 1992 duur Bert Koops (zaank en gitaar) en Henk Oosting (Basgitaar en zaank) en zingt in t Dreants.
Onderwarpen |
[bewark] Beginjoarn
In de beginjoarn spöldn Mooi Wark nummers dee-t völle weg hadn van nummers van Normaal. Dèt was umdèt Koops n onmeundig anhanger van den band was. Dèt was op n gegeewn memeant zo slim dèt-e half Achterhooks zung.
In t Radio Drenthe-programma Muzementen van Jans Polling kreeg Mooi Wark völ andach. Oonderdoems was n band al an evuld met n drummer Arjan Elting en zochn ze nog n sologitarist. Dit wör Bert Hoezen (spölt non bie Blues Avenue). Zo begun Mooi Wark te oefenn in Oring.
t Eerste optreedn was in Troapel. Nog denzelfden zommer wör t eerste album op enömn, woervan t nog aait nit duudelik is wo t non feailik het (Zwoegen in t Heuj of Of niet dan?).
Ze kwamn in t vuurprogramma van bekeande bands zo as Golden Earring, Rowwen hèze, De Dijk en öare grote vuurbeeldn Normaal. Disn lestn band har wal belang bie t nummer Vissen van Mooi Wark. Doar is t allene nit van ekömn umdèt Mooi Wark de auteursrechn nit of wol stoan.
Mooi Wark kreeg n plaatnketrak an eböadn bie plaatnmaker Telstar van Johnny Hoes, woermet ze n antal plaatn hebt oet ebracht.
[bewark] Spöllerswissels
Duurdèt t nit zo good gung as wat ze ehopt hadn, en umdèt ze toch good spul mosn skriewn, kreegn wat leedn wöarde met mekoar oawer wo ze verdan mosn. t Plaatnketrak wör verbrökn en Bert Hoezen verleut Mooi Wark. Doarvuur in de plaatse köm Henry de Groote (wördt non Bikkel eneumd). Arjan Elting en Henk Oosting gavn t ook op, mear noa n zetjen köm Bert Hoezen wier terugge. Met nen niejn drummer en nen niejn bassist zorgen Mooi Wark zelf vuur öar 2e album Zo Plat As Wat. Tot ongevear 2001 wisseldn Mooi Wark regelmoatig van spöllers.
[bewark] n Konstaantn
n Ennigstn wat van begin tot rechtevoort aaltied lid hef ewès van Mooi Wark is Bert Koops. Hee is de leste joarn n bestn bol verdreantst, wat Mooi Wark zin Dreantse karakter gef. De vroage woerumme of-e in t Dreants zeenk, beantwoordn-e met: "Ik kan gin Engels, en mien Hollaands is te slecht" *. Hee is duur de joarn hen ook aaltied n belangriekstn tèks en leedkesskriewer ewès, mear met n komst van bassist William (Billy) Bossong en Arnold (Garfunkel) Kuik kreegn de aandere leedn ook mear insproak. Hierduur blik Mooi Wark t good vol te hooldn.
[bewark] Huudigen bezetting
n Band besteet non oet Bert Koops (heuwdzaank en gitaar), William Bossong (basgitaar), Arnold Kuik (gitaar) en Dennis Hendriks (drums). Bie de optreedns geet t vuural um improvisaasie en t ouwwoern met t pebliek.
[bewark] t Duurbrèkn en rechtevoort
Seend 2002 hef Mooi Wark ne vaste bezetting en dèt hef ehulpn. De optreedns wordt grötter en t antal anhangers ook. Dr is al nen fanclub in leawn ereupn.
Met t nummer Idioot breuk Mooi Wark pas echt duur. Dit leed wör völle dreeid op t radiostesjon Simone FM en ook in n piraatnkreenk kreegn ze völ andach. Völle regionale zeanders dreeidn t heanige nummer Van t Platteland vaake. t Nummer In de Blote Kont wör laandelik bekeand. Noar anleaiding hiervan wör Mooi Wark eneugnd bie de 3FM DJ's Chiel Beelen en Rob Stenders, wat öar nog mear naamnsbekeandheaid gaf.
[bewark] Albums
- 2008 Bok 'm d'r op
- 2006 Gewoon Idioot
- 2004 Smeer
- 2003 Only Rock 'n' Roll!
- 2001 Gang op de Ket
- 1999 Kieken wat 't wordt
- 1996 Zo plat as wat
- 1992 Zwoegen in't heuj
[bewark] Singles
- 2008 Schijt aan regels
- 2007 Achter de tent / Van het platteland
- 2007 In de blote kont / Bier, patat en rock n roll
- 2006 Bokkie of Geittie / De Pieteroliekar
- 2005 Idioot / Geil als een bossie siepels
- 1998 Janny / Altied tegen de draod in
- 1993 Vakantie in 't café / Veuls te vroeg
- 1992 Morgen Weer / Ik zol zo graag
[bewark] Oetgoande verbeendege
www.mooiwark.nl Offisjele webstea van Mooi Wark
 |
