Jodendom
Van Wikipedie
Et jodendom (ok wel jeudendom) is et geleuf van et Joodse volk en ien van de vrogst registreerde monotheïstische godsdiensten.
Et jodendom past niet makkelik in de westerse hokkies zoas geleuf, ras, volk of kultuur. Dit komt omdat Joden et jodendom in terms van 4.000 jaor geschiedenis begriepen.
Tiedens dit lange tiedpark hebben Joden slaoverni'je, annerchisme, theokraosie, verovering, bezetting en ballingschop erveren en hebben ze in kontakt west mit en bin ze beïnvloed deur et Oolde Iegypte, Babylonië, et Perzische Riek en et Oolde Griekenlaand, liek as deur mederne bewegings zoas De Verlochting en de opkomst van et nationaolisme.
Daoromme stelt (de Joods-Amerikaanse perfester) Daniel Boyarin dat "Joods wezen de pure kattegerienen van identiteit deurbrekt, omdat et niet nationaol is, niet genealogisch, niet godsdienstig, mar elk van disse, in een dialektische spanning".
De principes en de geschiedenis van et jodendom vormen de historische fundementen van vule aandere religies, waoronder et kristendom en de islam.
