Genoat
Van Wikipedie
Genoat (Caridea) is n woaterdaairke dij beheurt tot de Glaidpotegen. Zai kommen veural veur ien zoltwoater, mor ook op klaindere schoal in zuitwoater.
Onderwarpen |
[bewark] Algemain
Der binnen sikkem 250 soorten genoat en kommen overal te wereld veur. De genoat dij ien waarmer woater leeft, wordt over t algemain groter as genoat dij ien kolder woater leeft.
De vernuimdste genoat is dijdent oet de Noordzee. Dizzent worden ook wel Hollaandse genoat of Grunneger genoat nuimd. Zai leven bie zummerdag voak bie de kust en worden den vangen. Ien t Grunnegse dörp Zoltkamp stait de grootste genoatleveranzier van Europa, Heiploeg. t Dörp stait den ook bekènd as genoatdörp.
[bewark] Eterij
Genoat dij eten worden binnen veural de grotere soorten, zo as de Atlaantische witte genoat. Dit binnen dan heufgerechten, dij maisttied op de grill of braai kloar môkt worden. De klainderen worden voak as ingredient of detail bruukt veur andere gerechten en worden maisttied raauw of kookt serveerd.
[bewark] Travia
- Andere landen woar genoat vangen en/of eten wordt binnen Marokko, Thailaand, Bangladesj en Japan.
- De Chinese genoat, ook wel Gamba nuimd, is aiglieks gain genoat, omdat t n andere struktuur het.
- Kroepoek oedang wordt môkt van gemoalen genoat en meel.
[bewark] Leegsaksisch
- Grunnegs: genoat
- Stellingwarfs: gernael
- Veluws: ge(r)naol of gnaol
- Achterhoeks: genaal
