Brulfte
Van Wikipedie
Een brulfte of een trouwerieje is een fees dat evierd wonnen as twee meensen in 't huwelijk trejen. De benaming brulfte wonnen oek wel gebruuk veur alle onderdelen dee op de dag van de brulfte plaosvienen.
Onderwarpen |
[bewark] Brulfte in Nederlaand en België
Een brulfte, zoas 't in Nederlaand en België gebrukelijk is, kan bestaon uut meerdere onderdelen. 't Veurofgaond burgerlijk huwelijk is hierbie verplich. Daornaos bin der één of meerdere aandere onderdelen. Een standardbrulfte volgens 't boekjen ziet der ongeveer zo uut:
- Burgerlijk huwelijk in 't gemeentehuus of stadhuus
- Fotorippertage en / of videorippertage van 't bruidspaor en de naoste femilie
- 't Karkelijk huwelijk
- Een feesmaoltied veur 't bruidspaor en naoste femilie
- Een receptie veur femilie, vrienden en kennissen
- Een brulfsfees veur femilie en vrienden
Der is over 't algemeen een dujelijke scheiding tussen de daggasten en de receptie- of feesgasten. Bie 't avendeten kunnen de ouwers van 't bruidspaor een toesprake houwen. Bie de receptie of 't fees kunnen der teneelstukjes en sketches op-evoerd wonnen en liedjes ezungen wonnen deur femilie en vrienden, waorin de levenslope van de bruid en de brugem uutvoerig bespreuken wonnen, of waorin 't bruidspaor flink in maling eneumen wonnen.
In de Nederlaanse cultuur is der tegensworig gien vaste meniere meer waorop een brulfte eregeld is, en veul bruidspaoren kiezen hierin dan oek der eigen weg.
[bewark] Tredisies
[bewark] Trouwkaorte
Een trouwkaorte wonnen een antal weken van teveuren estuurd naor de uut-eneudigen gasten. Op de kaorte steet de naam van 't bruidspaor en de trouwdaotum. Geleuvigen zetten vake D.V. op de kaorte dit is Latien veur as God 't wil (Deo Volente).
[bewark] Ringen
Op de dag van de brulfte wonnen de trouwringen uut-ewisseld. Dit wonnen meestentieds edaon in 't gemeentehuus, mar sommigen bruidspaoren doon 't liever bie de karkdiens.
[bewark] Taart
Op een bepaold mement wonnen de brulftstaarte an-esnejen.
[bewark] Bloemstuk
't Bloemstuk of de corsage wonnen de hele dag edreugen deur de meensen dee uut-eneudigd bin veur de brulfte. De bruid hef een trouwboeket bie der, volgens de tredisie mag de bruid 't trouwboeket neet zien tot de mannen van de trouwerieje. Vake wonnen 't trouwboeket dan over de scholder ekwak en as een frommes 't dan vangt, dan zal ze de eerste ween dee trouwen geet.
[bewark] Bruidsjurk
De bruidsjurk is vake 't belangriekste (en duurste) kledingsstuk veur 't huwelijk. Krek zo de corsage, mar noen ummekeerd, mag de brugem volgens de tredisie de bruid neet heur jurk zien veur 't huwelijk.
[bewark] Kosten van een brulfte
Tot an de jaoren 70 was 't gebrukelijk dat de vaor van de bruid de kosten van de brulfte zol betaolen mar tegensworig betaolt 't bruidpaor de trouwerieje zelf. Disse veraandering is ekömen deurdat de meerderheid van bruidspaoren allange 't huus uut bin veurdat ze trouwen en hokken dan vake al een hortjen.
[bewark] Huwelijksverjaordagen
| Huwelijksverjaordagen | |
|---|---|
| 1 jaor | pepieren brulfte |
| 2 jaor | leren brulfte |
| 5 jaor | houten brulfte |
| 10 jaor | tinnen brulfte |
| 12½ jaor | keuperen brulfte |
| 15 jaor | kristallen brulfte |
| 20 jaor | porseleinen brulfte |
| 25 jaor | zilveren brulfte |
| 30 jaor | paorel brulfte |
| 35 jaor | rebienen brulfte |
| 40 jaor | smaraggen brulfte |
| 45 jaor | seffieren brulfte |
| 50 jaor | gouwen brulfte |
| 60 jaor | diamanten brulfte |
| 65 jaor | briljanten brulfte |
| 70 jaor | platina brulfte |
| 75 jaor | albasten brulfte |
| 80 jaor | eken brulfte |
[bewark] Nedersaksisch
- Grunnegs: bruloft
- Stellingwarfs: brulloft
- Tweants: brulft(e), trouwerieje
- Veluws: brulft(e), trouwerie(je)/trouweri-j(e)
