Afrika
Van Wikipedie
Afrika is naor Azië 't grootste continent van de eerde, zowel in oppervlakte as in bevolking. 't Beslaot zo'n 30.244.050 vierkante kilometer (vasteland en eilanden samen), wat 20,3% van de totaole landoppervlakte van de eerde is. 't Wort bewoend deur meer as 800 miljoen minsen - oengeveer één zeuvende van de wereldbevolking. De naam Africa was in de Oudheid eerst veurbehouwen an 't gebied van 't hudige Tunesië. Laoter worde de hele kuststrook Africa eneumd en in de tied van de ontdekkingsreizen worde 't hele continent hiermee an-eduud.
De naam Afrika zou ontleend wezen an 't Foenicische woord afrid. Mar are minsen zegen dat de naam Afrika van de Amazighische godin ifri komt (wat grot betekent, enkelvoud van ifri). Disse godin worde laoter deur de Romeinen over-eneumen.
Temet heel Afrika beheurt tot de Daarde Wereld. Partie minsen rekenen 't hele continent hiertoe, are alleen de landen in 't zujen van de Sehara, behalven Zuud-Afrika.
[bewark] Landen
Afrika bestaot uut 53 onofhankelijke landen en een antal niet-onofhankelijke gebieden.
- Onofhankelijke landen
- Algerije – Angola – Benin – Botswana – Burkina Faso – Burundi – Centraol-Afrikaanse Rippebliek – Comoren1 – Congo-Brazzaville – Congo-Kinshasa – Djibouti – Egypte (gedeelte in et westen van de Landengte van Suez) – Equatoriaol-Guinea – Eritrea – Ethiopië – Gabon – Gambia – Ghana – Guinee – Guinee-Bissau – Ivoorkust – Kaapverdië1 – Kameroen – Kenia – Lesotho – Liberia – Libië – Madegaskar1 – Malawi – Mali – Marokko – Mauritanië – Mauritius1 – Mozambique – Namibië – Niger – Nigeria – Oeganda – Rwanda – Sao Tomé en Principe1 – Senegal – Seychellen1 – Sierra Leone – Soemalië – Soedan – Swaziland – Tanzania – Togo – Tsjaad – Tunesië – Zambia – Zimbabwe – Zuud-Afrika
- Niet-onofhankelijke gebieden
- Bassas da India1 – Ceuta – Europa1 – Glorieuses1 – Juan de Nova1 – Kenarische Eilanden1 – Madeira1 – Mayotte1 – Melilla – Réunion1 – Tromelin1
- Gebieden mit betwiste staotus / bezette gebieden
- Soemaliland – Westelijke Sehara
1 Hoewel disse eilanden niet op de Afrikaanse continentaole plaot liggen, worren ze gewoonlijk toch beschouwd as beheurend tot Afrika.
 |
