Rob Reiner
Vun Wikipedia
Rob Reiner (* 6. März 1947 in Bronx, New York City, USA) is en US-amerikaanschen Filmspeelbaas, Filmproduzent un Schauspeler. He is de Söhn vun den Speelbaas Carl Reiner.
Inholtsverteken |
[Ännern] Leven
Reiner weer al as Twölfjohrigen in de Feernsehreeg 77 Sunset Strip to sehn un in de Folg in ünnerscheedliche Produkschonen as Alfred Hitchcock presents, Batman, The Andy Griffith Show, The Beverly Hillbillies oder The Partridge Family. Populär worrn is he mit sien Rull as Swiegersöhn Archie Bunkers in de Feernsehreeg All in the Family, woför he den Emmy kregen hett.
Siet 1984 arbeit Rob Reiner ok as Speelbaas. Sien eersten Film weer This Is Spinal Tap. Dorna hett he en bannige Reeg vun spoodriek Filmen dreiht, as Stand by Me, The Princess Bride, Misery, A Few Good Men und annere. Man, he harr ok en poor Filmen, de nich so goot ankamen sünd.
Sien Film Stand By Me hett em as Speelbaas Nomineeren vun de Directors Guild of America (DGA; de Gewerkschap vun de US-Speelbaasen) un vun de Hollywood Foreign Press Association inbrocht. Wietere Nomineeren vun de DGA kreeg he för de Filmen When Harry Met Sally… un A Few Good Men, för den he ok för den Oscar nomineert worrn is.
In de vun em mitproduzeerten romantischen Kummedie Alex & Emma het he ok vör de Kamera stahn. Ok in annere Filmen hett he jümmer wedder in Nevenrullen speelt, to’n Bispeel in Sleepless in Seattle, Bullets over Broadway, The First Wives Club usw.
Von 1971 bit 1979 weer he mit de Schauspelersche un Speelbaas’sche Penny Marshall verheiraadt. 1989 hett he denn Michele Singer heiraadt.
[Ännern] Filmografie (Utwahl)
| Johr | Titel | Funkschoon | Synchroonsnacker |
|---|---|---|---|
| 1967 | Enter Laughing dt.: Sein grosser Auftritt |
Schauspeler | |
| 1970 | Where’s Poppa? dt.: Wo is’ Papa? |
Schauspeler | |
| 1971 | Summertree | Schauspeler | |
| 1974 | The Odd Couple dt.: Männerwirtschaft |
Schauspeler | Joachim Kerzel |
| 1977 | Fire Sale dt.: Es brennt an allen Ecken |
Schauspeler | |
| 1984 | This Is Spinal Tap dt.: Die Jungs von Spinal Tap |
Schauspeler Speelbaas Dreihbookschriever |
|
| 1985 | The Sure Thing dt.: Der Volltreffer |
Speelbaas | — |
| 1986 | Stand By Me dt.: Stand by Me – Das Geheimnis eines Sommers |
Speelbaas | — |
| 1987 | Throw Momma From the Train dt.: Schmeiß’ die Mama aus dem Zug! |
Schauspeler | Hans-Werner Bussinger |
| 1987 | The Princess Bride dt.: Die Braut des Prinzen |
Speelbaas Produzent |
— |
| 1989 | When Harry Met Sally... dt.: Harry und Sally |
Speelbaas Produzent |
— |
| 1990 | Misery | Schauspeler Speelbaas Produzent |
|
| 1992 | A Few Good Men dt.: Eine Frage der Ehre |
Speelbaas Produzent |
— |
| 1993 | Sleepless in Seattle dt.: Schlaflos in Seattle |
Schauspeler | |
| 1994 | Mixed Nuts dt.: Lifesavers – Die Lebensretter |
Schauspeler | Michael Rüth |
| 1995 | The American President dt.: Hallo, Mr. President |
Speelbaas Produzent |
— |
| 1996 | Ghosts of Mississippi dt.: Das Attentat |
Speelbaas Produzent |
— |
| 1998 | Spinal Tap: The Final Tour | Speelbaas Produzent Dreihbookschriever |
— |
| 1999 | The Story of Us dt.: An Deiner Seite |
Speelbaas Produzent Schauspeler |
Hans-Werner Bussinger |
| 1999 | Edtv dt.: EDtv – Immer auf Sendung |
Schauspeler | Klaus Sonnenschein |
| 2003 | Alex & Emma | Speelbaas Produzent Schauspeler |
|
| 2005 | Rumor Has It... dt.: Wo die Liebe hinfällt... |
Speelbaas | — |
| 2007 | The Bucket List dt.: Das Beste kommt zum Schluss |
Speelbaas Produzent |
— |
[Ännern] Filmpriesen
Rob Reiner hett för sien Filmwark bit hüüt twölf Filmpriesen wunnen und weer för en ganze Reeg wietere Utteken nomineert, ünenr annern för den Oscar in de Kategorie Beste Film för den Film A Few Good Men.
- 1974: den Emmy in de Kategorie Best Nevendorsteller in en Kummedie för All in the Family.
- 1978: den Emmy in de Kategorie Sünnere Leistung as Nevendorsteler in en Kummedie för All in the Family.
- 1987: den People’s Choice Award vun’t Toronto International Film Festival för The Princess Bride.
- 1988: den Readers’ Choice Award in de Kategorie Best utlännsch Film för Stand By Me.
- 1994: den American Cinematheque Award.
- 1996: den NBR Award för dat Beste Dorstellerensemble in The First Wives Club.
- 1997: den Creative Achievement Award vun de American Comedy Awards.
- 1997: den People’s Choice Award in de Kategorie People’s Choice Awards Honoree.
- 1997: den Humanitarian Award.
- 1999: Sien Steern op’n Walk of Fame.
- 2001: den Ehrenpries för’t Levenswark vun’t Santa Barbara International Film Festival.
- 2003: den Dream Director Award.
[Ännern] Websteden
- Rob Reiner in de Internet Movie Database
- Literatur över Rob Reiner in de Düütschen Natschonalbökeree
