Pius XII.
Vun Wikipedia
Pius XII. (* 2. März 1876 in Rom as Eugenio Maria Giuseppe Giovanni Pacelli; † 9. Oktober 1958 in Castel Gandolfo) weer Paapst vun de Kathoolsche Kark un de Staatsböverste vun den Vatikan vun 2. März 1939 bit to sien Dood.
Pacelli studeer af 1894 Theologie un promoveer 1901 to'n Dr. theol. un 1902 to'n Dr. jur.. Nah de Familientraditschoon harr he en Juristenloopbahn inslahn sullt, aber he hett sück 1899 to'n Priester weihen laten. 1917 weer he Nuntius in München, 1920 bit 1929 in Berlin. Af 1930 an weer he denn Staatssekretär vun Paapst Pius XI.. To de Tiet hett he sück düchtig för de Konkordatspolitik vun de Vatikan insett.
As he Paapst wurrn de, brook ok bold de Tweete Weltkrieg ut. Na buten henn hett sück Pius XII. neutral verhollen, achtern rüm un up diplomatischen Weg, hett he aber versöcht, Verfolgungen to verhinnern un Not to mildern. To de Vernichten vun Jööden hett he offiziell nichts seggt, wat hüm nahst völ Kritik inbrocht hett. Fatalerwies hett he de Natschonalsozialismus sogor verharmlost, weer aber strikt tegen de Kommunismus. Ok dat broch hüm Kritik in, bunn dat doch de Kark, de he eegentlich internatschonal hollen wull ok an den Westen.
He is woll bannig konservativ wesen, gelehrt un asketisch leevend, aber in Romm hett he zentralistisch un autoritär. En Staatssekretät harr he all siet 1944 nich mehr. He weer ok tegen jeder Versök vun en sellschaplichen Integratschoon un hett de Katholiken un Protestanten wieder vunanner af brocht.
Sien Nahfolger wurr Paapst Johannes XXIII. .
[Ännern] Weblenken
Op Wikiquote gifft dat Zitaten to, över oder vun „Pius XII.“ (hoochdüütsch).- Rabbi David Dalin: A Righteous Gentile Die Meinung eines Rabbi zu Pius XII. (up engelsch)
- http://www.bautz.de/bbkl/p/pius_xii.shtml Paapst Pius XII. bi Bautz
- Utführlich Biographie to Pius XII. bi Shoa.de
- „The End of the Pius Wars“ - von Joseph Bottum - Versuch einer Bilanz der Kontroverse um Pius XII. (up engelsch)
- Pius XII. up de Sieden vun de Vatikans
- Rainer Decker: Rezension über: Cornwell Pius XII., Der Papst der geschwiegen hat
- Rainer Decker: Sammelrezension über Pierre Blet: Papst Pius XII. und der Zweite Weltkrieg. und Michael F. Feldkamp: Pius XII. und Deutschland
- Die Welt - Interview mit Pater Gumpel über Pius XII. un Cornwell
- Kardinal Walter Kasper verteedigt Paapst Pius XII
[Ännern] Born
- Personen Lexikon vun de Chronik Verlag Band 2
