Miyazaki Hayao
Vun Wikipedia
Miyazaki Hayao (japaansch 宮崎駿; * 5. Januar 1941 in Tokio) is en japaanschen Speelbaas un Teekner för Animes.
Miyazaki is 1941 as tweet vun veer Kinner vun en Luftfohrtünnernehmer in Tokio boren. Dat weer de Tiet, dat de USA an’t Enn vun’n Tweten Weltkrieg veel Bomben op Tokio afsmeten hebbt un de Familie is na Utsunomiya op’t Land trocken, woneem he ok opwussen is. Na siene Schooltiet hett Miyazaki veer Johr Politikwetenschoppen un Ökonomie studeert. 1963 hett he aver bi de Produktschoonsfirma Studio Toei as Teekner för Anime anfungen. To’n Bispeel weer he ok bi de japaansche Reeg Heidi vun 1974 mit dorbi. Bi Toei hett he Isao Takahata kennenlehrt, mit den he later de Ghibli-Studios grünnt hett.
1979 möök Miyazaki mit Rupan Sansei: Kariosutoro no Shiro sien eersten Speelfilm. To Anfang vun de Johren 1980 hett he mit sien groot Projekt Naushika anfungen, mit dat he groot rut keem. De Manga is 1982 rutkamen un 1984 ok as Kinofilm Kaze no Tani no Naushika. Mit dissen Spood kunn he denn sien egen Studio, Studio Ghibli, opmaken. Blangen Kortfilmen hett he söven Speelfilmen maakt, mit de he to een vun de bedüdensten Filmemakers vun japaansche Animes worrn is.
Na Mononoke Hime, wat 1997 de mehrstbesöchte japaansche Film vun alle Tieden wesen is, hett Miyazaki seggt, dat he as Speelbaas Bott geven wull, jüngere Lüüd Platz to maken. Dat hett he denn aver doch nich wohr maakt un 2001 den Film Sen to chihiro no kamikakushi rutbröcht, de sik noch wedder beter verköff as Mononoke Hime un vele Priesen kregen hett.
Miyazaki sien jüngsten Film weer 2004 Hauru no ugoku shiro.
Ok Miyazaki sien Söhn Goro is Teekner un Speelbaas un arbeidt bi de Ghibli-Studios.
Inholtsverteken |
[Ännern] Warken
[Ännern] As Speelbaas un Dreihbookschriever
- 1978 Mirai shōnen Konan (未来少年コナン)
- 1979 Rupan Sansei: Kariosutoro no Shiro (ルパン三世 カリオストロの城)
- 1980 Shin Rupan Sansei Special (新ルパン三世 SPECIAL)
- 1984 Kaze no Tani no Naushika (風の谷のナウシカ)
- 1986 Tenkū no Shiro Rapyuta (天空の城ラピュタ)
- 1988 Tonari no Totoro (となりのトトロ)
- 1989 Majo no Takkyūbin (魔女の宅急便)
- 1992 Kurenai no Buta (紅の豚)
- 1997 Mononoke Hime (もののけ姫)
- 2001 Sen to Chihiro no Kamikakushi (千と千尋の神隠し)
- 2004 Hauru no Ugoku Shiro (ハウルの動く城)
- 2008 Gake no ue no Ponyo (崖の上のポニョ)
[Ännern] As Produzent
- 1988 Hotaru no Haka (火垂の墓)
- 1991 Omohide Poro Poro (おもひでぽろぽろ)
- 1995 Mimi wo Sumaseba (耳をすませば)
- 2002 Neko no Ongaeshi (|猫の恩返し)
[Ännern] As Teekner
- 1971 Dobutsu Takarajima (動物宝島)
- 1974 Heidi (アルプスの少女ハイジ, Arupusu no Shōjo Haiji)
- 1976 Haha wo Tazunete Sanzenri (母をたずねて三千里)
- 1979 Akage no An (赤毛のアン)
[Ännern] As Animator
- 1969 Nagagutsu wo Haita Neko (長靴をはいた猫)
- 1975 Furandāsu no Inu, Folg 15
[Ännern] Priesen
- Gollen Boor op de Berlinale 2002 för Sen to Chihiro no Kamikakushi (deelt mit’n Film Bloody Sunday)
- Oscar 2003 för Sen to Chihiro no Kamikakushi as best Animatschoonsfilm
- Opnahmen in de List vun de 100 bedüdensten Minschen op de Welt, TIME Magazine 2005
- nomineert för’n Oscar 2006 för Hauru no Ugoku Shiro as best Animatschoonsfilm
