Minuut
Vun Wikipedia
Dit Woort hett noch annere Bedüden: kiek dorför ünner Minuut (Mehrdüdig Begreep).
| Eenheit | |
|---|---|
| Norm | ISO 1000, DIN 1301 |
| Naam | Minuut |
| Grött | Tiet, Tietspann |
| Eenheitenteken | min |
| Formelteken | t |
| nöömt na | pars minuta prima „de minnerte Deel eerste Orden (vun’n Stünn)“ |
De Minuut is en Tieteenheit de nich to dat SI-Eenheitensystem höört.
Ehr’n Utgangspunkt hett se in’t babylonische Sexagesimalsystem, wo lüttere Ünnerdeelen as 60stel un 360stel entwickelt weern. De 60stel weern later denn in’t Latiensche as pars minuta prima (vun minuere „minnern, lütter maken“) betekent. De 360stel (60stel vun’t 60stel) weern pars minuta secunda nöömt, worut sik denn de Sekunn afleddt hett.
De Minuut warrt mit dat Eenheitenteken min schreven. In fröhere Tieten weern ok „Min“ un „Min.“ begäng. Sünners in’n Sport warrt Tietangaven (nipp un nau: Tietspannen) verkehrterwies ok 1 h 32′ 47′′ afkört (1 Stünn 32 Minuuten un 47 Sekunnen). För Tietpunkten weer ok al mol de Schrievwies 1h32m15s begäng.
En Minuut vun de Tiet is de sösstigste Deel vun een Stünn un sett sik wedder ut sösstig Sekunnen tohopen. Vun’t Gesett is de Minuut neven dat SI-System as Maateenheit för de Tiet tolaten.
[Ännern] De Minuut in’t Arbeitsstudium
In’t Arbeitsstudium warrt de Tiet vör een Arbeitvörgang tomeist in Minuuten bestimmt. Anners as begäng warrt dor aver nich in Sekunnen ünenrdeelt, man in Hunnerstelminuuten (HM)[1]. Dat heet:
- 1min = 100HM
Disse vun de Norm afwiekend Tellwies is inföhrt worrn, üm dat Reken bi Additschonen, Subtrakschonen usw. eenfacher to maken. HM künnt ahn Överdregen mit de in’t Dezimalsystem gellend Methoden utrekent warrn.
[Ännern] Bornen
- ↑ REFA (1978) Methodenlehre des Arbeitsstudiums, Teil 2 - Datenermittlung, Carl Hanser Verlag, München, ISBN 3-446-12704-6; S. 16
