Laurie Johnson
Vun Wikipedia
Laurie Reginald Ward Johnson (* 7. Februar 1927 in Hampstead) is en britschen Komponist, de Filmmusik för en grote Tall vun Filmen un Feernsehserien maakt hett.
[Ännern] Leven un Wark
Laurie Johnson is vör allen bekannt worrn, dör sien Filmmusik, de he för de Feernsehserien The Avengers in de 1960er un de Nafolger dorvun ut de 1970er The New Avengers (op dt. beid as Mit Schirm, Charme und Melone), as ok de The Professionals (dt.: Die Profies), de in de 1970er un 1980er in’t Feernsehen to sehn weern. Sünners för de Avengers hett he en grote Tall ünnerscheedlich, an de enkelten Folgen anpasste Themen komponeert. Eenige Leedtitels sünd: Travelling Free (1965), This Is Your Life (1969), The Beauty Jungle (?), The Shark (Avengerstheme) (1965). Aver sien Gesamtwark belöpt sik op Titel un Themen to mehr as Hunnert Filmen un Serien.
Kenntekend för Johnsons Musik weer de Verbinnen vun Orchestermusik, un sünners Striekinstrumenten, mit de in de enkelten Tieten modernen Instrumenten, as t. B. de Wah-Wah-Gitarr, de in de 1970er sünners populäär weer.
Neven sien Hööftarbeit as Filmkomponist, hett Laurie Johnson ok af un to mol as Dirigent oder as musikalschen Direkter bi’n Filmdreih arbeidt. In de 1990er Johren weer he ok as Produzent ünnerwegens.
Laurie Johnson levt in Stanmore, Middlesex in England.
[Ännern] Filme un Feernsehserien (Utwahl)
- 1959: Tiger Bay (dt.: Tiger-Bay)
- 1960: Wernher von Braun (dt.: Wernher von Braun: Ich greife nach den Sternen)
- 1963: Siege of the Saxons (dt.: Das Schwert des Königs)
- 1964: Dr. Strangelove or: How I Learned to Stop Worrying and Love the Bomb (dt.: Dr. Seltsam oder: Wie ich lernte, die Bombe zu lieben)
- 1964: First Men In the Moon (dt.: Die erste Fahrt zum Mond)
- 1965-1969: The Avengers (dt.: Mit Schirm, Charme und Melone)
- 1968: Hot Millions (dt.: Das Millionending)
- 1971: The Firechasers (dt.: Jagd durchs Feuer)
- 1973: The Belstone Fox (dt.: Keine Gnade für den Fuchs)
- 1975: Hedda
- 1975: Diagnosis: Murder (at.: Der See der verstümmelten Leichen)
- 1976-1977: The New Avengers (dt.: Mit Schirm, Charme und Melone)
- 1977-1983: The Professionals (dt.: Die Profis)
- 1987: It's Alive III: Island of the Alive (dt.: ''Die Wiege des Schreckens)
