John Brinckman
Vun Wikipedia
John Frederic Brinckman (* 3. Juli 1814 in Rostock; † 20. September 1870) weer en plattdüütschen Schriever.
Sien Vader, de Koopmann un Koptein Caspar Christoph Michael Brinckman, versünk 1824 mit Schipp un Mannschap vör Jütland. Siene Moder weer Dochter vun de Havenkommandant Ruth in Göteborg in Sweden.
Vun 1834 bet 1837 studeer he Juristeree in Rostock. He hett donn ok Kuntakt mit de Burschenschaften hatt, so dat he denn ok vör Gericht müsst. Sien Straf weer obers utsett, doch studeern kunn un wull he ok nich wieder. So gung he denn nah Amerika, wo he denn ok mit de Literatur in Kuntakt keem, de laterhen heel wichtig vör sien eegen Warken warden sull. Nah twee Johrn güng he denn wedder nah Mekelnborg trüg, worüm, dat weet man nich.
1842 bet 1846 weer he Huuslehrer bi Herrn von Schack op Gut Rey bi Neukalen un bi Herrn von Le Fort (Klosterhauptmann in Dobbertin bi Goldbarg).
He weer mit satirisch Lyrik Deel vun de Revolutschoonsbewegung 1848/1849. Brinckman weer Lehrer för Ingelsch, Franzöösch un Latiensch, un geev Privatstünnen in Spaansch.
Siet 1854 schreev John Brinckman plattdüütsche Warken, de hem bekannt mekten.
[Ännern] Warken
- Kasper Ohm un ick.
- Vagel Grip. (1859)
- Voß un Swinägel.
- Peter Lurenz bi Abukir.
- Höger up.
- Mottche Spinkus un de Pelz.
- Von Anno Toback ...
[Ännern] Weblenken
- Indrag to den Schriever in de PBuB (hoochdüütsch)
