Holly Hunter
Vun Wikipedia
Holly Hunter (* 20. März 1958 in Conyers, Georgia, USA) is en US-amerikaansche Schauspelerin.
Holly Hunter weer de jüngste vun söven Kinner vun en Buernfamilie in Georgia. Se füng al in de Kinnertiet an, Theater to spelen. 1976 güng se na Pittsburgh un hett dor Schauspeelünnerricht nahmen un ehrn Afsluss an de Carnegie Mellon University kregen. Dorna güng se toeerst för twee Johren na New York, bevör se na Los Angeles un dormit na Hollywood keem.
Ehr eerste gröttre Rull speel se 1987 in den Film Raising Arizona. In dat lieke Johr hett se ok in Broadcast News mitspeelt, woför se ehr eerste Nomineeren för en Oscar kregen hett. Siether hett se in vele Filmen mitspeelt. Es vun ehr Filmen mit den gröttsten Spood, weer 1993 The Piano, woför se denn ok mit de Oscar uttekend woorn is. Veele bekannte Filme sünd dorna mit ehr maakt worrn, ünner annern Copycat, A Life Less Ordinary oder Thirteen, aver ok bi Dokumentarfilmen un Feernsehprodukschonen hett se mitarbeit. Dorbi hett se ünner Bewies stellt, wo veelsietig se is.
Hunter weer vun 1995 bit 2001 mit den poolschen Kameramann Janusz Kaminski verheiraat wesen. Sietdem is se mit den US-amerikaanschen Schauspeler Gordon MacDonald tosamen. Eenige Berichte hebbt angeven, dat he en Brite is, wat aver verkehrt wesen schall. De beiden hebbt siet Januar 2006 twee Kinner, neemlich Tweeschen.
[Ännern] Ehr Rullen (Utwahl)
- 1981 – The Burning (dt.: Brennende Rache)
- 1984 – Swing Shift (dt.: Swing Shift – Liebe auf Zeit)
- 1987 – Raising Arizona (dt.: Arizona Junior)
- 1987 – Broadcast News (dt.: Nachrichtenfieber – Broadcast News)
- 1989 – Miss Firecracker
- 1989 – Roe vs. Wade, Feernsehfilm
- 1989 – Animal Behaviour (dt.: Ein Affe zum Knutschen)
- 1989 – Always (dt.: Always – Der Feuerengel von Montana)
- 1991 – Once Around (dt.: Ein charmantes Ekel)
- 1992 – Crazy in Love (dt.: Verrückt vor Liebe), Feernsehfilm
- 1993 – The Positively True Adventures of the Alleged Texas Cheerleader-Murdering Mom, Feernsehfilm
- 1993 – The Piano (dt.: Das Piano)
- 1993 – The Firm (dt.: Die Firma)
- 1995 – Copycat (dt.: Copykill)
- 1995 – Home for the Holidays (dt.: Familienfest und andere Schwierigkeiten)
- 1996 – Crash
- 1997 – A Life Less Ordinary (dt.: Lebe lieber ungewöhnlich)
- 1998 – Living Out Loud (dt.: Wachgeküsst)
- 2000 – Things You Can Tell Just by Looking at Her (dt.: Gefühle, die man sieht)
- 2000 – Woman Wanted
- 2000 – Timecode
- 2000 – O Brother, Where Art Thou?
- 2000 – Harlan County War (dt.: Zeit der Gerechtigkeit), Fernsehfilm
- 2001 – When Billie Beat Bobby, Feernsehfilm
- 2002 – Moonlight Mile
- 2003 – Levity
- 2003 – Thirteen (dt.: Dreizehn)
- 2004 – The Incredibles (dt.: Die Unglaublichen), Stimm
- 2004 – Little Black Book (dt.: Die Ex-Freundinnen meines Freundes)
- 2005 – Nine Lives
- 2005 – The Big White (dt.: The Big White – Immer Ärger mit Raymond)
- 2007 – Saving Grace, Feernsehserie
[Ännern] Utteken
Holly Hunter is nich blots mit den Oscar uttekent, för den se tohopen veer mol nomineert weer, man hett wiet över 20 Priesen un Utteken wunnen un weer för mehr as noch mol so veel nomineert. En Utwahl vun er wunnen Priesen:
- 1988 – den Sülvern Boren vun de Internatschonalen Filmfestspele Berlin in de Kategorie Beste Hööftdorstellerin för Broadcast News
- 1989 – den Emmy in de Kategorie Best Hööftdorstellerin in en Feernsehminiserie för Roe vs. Wade
- 1993 – den Emmy in de Kategorie Best Hööftdorstellerin in en Feernsehminiserie för ehr Rull in The Positively True Adventures of the Alleged Texas Cheerleader-Murdering Mom
- 1993 – den NYFCC Award in de Kategorie Beste Hööftdorstellerin för The Piano
- 1993 – den AFI Award in de Kategorie Beste Hööftdorstellerin för The Piano
- 1994 – den Oscar in de Kategorie Beste Hööftdorstellerin för ehr Rull in The Piano
- 1994 – den Golden Globe in de Kategorie Beste Hööftdorstellerin för The Piano
- 1994 – den BAFTA Film Award in de Kategorie Beste Schauspelerin för The Piano
- 2004 – den Sierra Award vun de Las Vegas Film Critics Society Awards in de Kategorie Beste Nevendorstellerin för Thirteen
- 2005 – den Bronze Leopard vun de Locarno International Film Festival in de Kategorie Beste Schauspelerin för Nine Lives
