Heinrich Burmester
Vun Wikipedia
Franz Joachim Heinrich Burmester (* 10. November 1839 in Niendörp; † 24. April 1889 in Boizenborg) weer en plattdüütschen Schriever.
Burmester is 1839 in Niendörp as Söhn vun en Buurn boren un güng dor ok op de Volksschool. Denn weer op dat Lehrerseminar in Ratzeborg. He is bi de Vörschool vun dat Ratzeborger Gymnasium anstellt worrn, güng denn aver ut finanzielle Grünn na Hamborg. Dor hett he an Privatscholen Ünnerricht geven un en Lehrerkurs op dat akadeemsche Gymnasium besöcht. He hett denn in’n Harvst 1863 en Philologie-Studium in Kopenhagen anfungen. Vörjohr 1864 güng he na Jena un in’n Harvst an de Universität Kiel. Dor wesselt he denn vun Philologie na de Juristeree. Vun Vörjohr 1867 af an is he denn as Huuslehrer in Mekelborg un Launborg ünnerwegens. Denn güng he as Korrektor bi’n Altonaer Merkur an. Dor sünd ok siene eersten plattdüütschen Saken rutkamen. As dat Blatt pleite geiht, güng he en Tiet as Filzpantüffelmaer na Launborg. Karl Theodor Gaedertz harr wat vun Burmester sien plattdüütsche Schriften leest un haal em denn na Berlin un hett em Arbeit bi en Afkaat vermiddelt. Later harr he anbaden kregen, dat he dat Leid över de Lauenburger Landeszeitung övernehmen schull. He hett sien Anstellung in Berlin opgeven un güng ahn Verdrag na Launborg. Doch welk Lüüd wullen em nich op dissen Posten sehn un Burmester kreeg em nich. He weer noch en ganze Tiet vör Gericht in Striet wegen de Saak un is denn 1889 bi Launborg in’e Elv in’t Water gahn.
[Ännern] Warken
- Arm un riek. Ein Bild aus dem Leben. Meißner, Hamborg 1872
- Schaulmester Klein. Ein Bild aus dem Leben. Sülvstverlag, Hamborg 1873
- De schöne Meyer. in: Altonaer Merkur, Altno 1874
- Doctor Rugbart. in: Altonaer Merkur, Altno 1874
- Ohmvetter. Ein Bild aus dem Leben. Nietzsche, Bardörp 1877
- Landstimmen. Eine Sammlung plattdeutscher Gedichte nebst einigen hochdeutschen. Sülvstverlag, Fitzen 1881
- Das verkommene Genie, ein Spiegelbild. Lauenburg: Selbstverlag 1882
- Harten Leina. En Speigel vör Land un Lüd. Zwei Teile. Mit einer Einleitung von Karl Theodor Gaedertz. Kogge & Fritze, Berlin 1884
- Hans Höltig. 'ne Geschicht ut plattdütschen Lann. Rentzel, Berlin 1885
- Nawerslüd. En Roman ut de Geigenwart. Friedrich, Berlin 1886
- Bismarck un de Lauenborger Buern. Ut’n Nalaat vun H. Burmester, in: Karl Theodor Gaedertz: Was ich am Wege fand, Blätter und Bilder aus Literatur, Kunst und Leben, Leipzig 1902
[Ännern] Weblenken
- Indrag to den Schriever in de PBuB (hoochdüütsch)
